ബിജോയ്സ് ചാമ്പ്യന്സ് കപ്പ് 2025 സീസണ് വണ് ഈ മാസം 12 മുതല് 14 വരെയായി ഷാര്ജ അല് ബതായയിലെ ബിജോയ്സ് ക്രിക്കറ്റ് ക്ലബ്ബില് നടക്കും. ഷാര്ജ അല് ബതായയിലെ ബിജോയ്സ് ക്രിക്കറ്റ് ക്ലബ്ബിലാണ് മത്സരങ്ങൾ നടക്കുന്നത്. 44 കോര്പറേറ്റ് ടീമുകള് പങ്കെടുക്കും. ദുബായ് പോലീസ്, ഡു തുടങ്ങിയ സർക്കാർ സ്ഥാപനങ്ങളും ലുലു, മെഡ് കെയർ, നെസ്റ്റോ, ബിജോയ്സ് ഗ്രൂപ്പ്, ഫിലി, നബൂദ, അൽ റൊസ്തമാനി, മശ്രീഖ്, ഇത്തിഹാദ്, ഐഎംജി വേൾഡ്, ഡിപി വേൾഡ്, എമിറേറ്റ്സ് എൻബിഡി തുടങ്ങിയ കോർപറേറ്റ് സ്ഥാനാപനങ്ങളും ടൂർണമെന്റിൽ പങ്കെടുക്കും.
മുൻ ഇന്ത്യൻ ദേശിയ താരം ഇര്ഫാന് പഠാൻ മുഖ്യാതിഥിയായി പങ്കെടുക്കും. 120 സെലിബ്രിറ്റി കളിക്കാര് അതിഥികളായി പങ്കെടുക്കുമെന്നും സംഘാടകർ അറിയിച്ചു. 12 ന് രാത്രി ഒമ്പത് മണിക്ക് മത്സരങ്ങള് ആരംഭിക്കും. വിജയിക്ക് അരലക്ഷം ദിര്ഹമാണ് ക്യാഷ് പ്രൈസ്. റണ്ണറപ്പിന് കാല്ലക്ഷം ദിര്ഹവും സമ്മാനമായി ലഭിക്കും. ഹനാന് ഷാ ഉള്പ്പെടെ പങ്കെടുക്കുന്ന ലൈവ് സംഗീത പരിപാടിയും ചാമ്പ്യന്ഷിപ്പിനോട് അനുബന്ധിച്ചുണ്ടാകും.