ദുബായിലെ യുഎസ് കോൺസുലേറ്റിന് സമീപം ഡ്രോൺ ആക്രമണത്തെത്തുടർന്നുണ്ടായ തീപിടുത്തം അധികൃതർ വിജയകരമായി അണച്ചു. അടിയന്തര രക്ഷാസേന ഉടൻ തന്നെ സ്ഥലത്തെത്തി സ്ഥിതിഗതികൾ നിയന്ത്രണവിധേയമാക്കിയെന്നും ആർക്കും പരിക്കില്ലെന്നും ദുബായ് മീഡിയ ഓഫീസ് സ്ഥിരീകരിച്ചു. ചൊവ്വാഴ്ച അർദ്ധരാത്രിയോടെയാണ് ആക്രമണശ്രമം നടന്നത്. നഗരത്തിലുടനീളമുള്ള വിവിധ പ്രദേശങ്ങളിൽ കേട്ട ശബ്ദങ്ങൾ വ്യോമ പ്രതിരോധ ഇടപെടലുകളുടെ ഫലമാണെന്ന് ദുബായിലെ അധികാരികൾ നേരത്തെ അറിയിച്ചിരുന്നു.
