യുഎഇ മലയാളി ക്രീയേറ്റീവ് ഡിസൈൻനേഴ്സ് ‘വര’ സംഘടിപ്പിക്കുന്ന ആർടെക്സ് 2023 ന്റെ
പോസ്റ്റർ പ്രകാശനം ദുബൈയിൽ നടന്നു. 2023 മാർച്ച് 5 ഞായറാഴ്ച്ച രാവിലെ 9 മണി മുതൽ ദുബായിലെ ഗൾഫ് മോഡൽ സ്കൂൾ വെച്ചാണ് പരിപാടി നടക്കുക. യു.എ.ഇ.യിൽ ജോലി ചെയ്യുന്ന മലയാളി ഡിസൈനർമാരുടെ കൂട്ടായ്മയാണ് ‘വര’. ദിവസം മുഴുവൻ നീളുന്ന പരിപാടിയിൽ വിവിധ വിഷയങ്ങളിലുള്ള ശിൽപശാലകൾ, ലൈവ് പെയിന്റിംഗ്, വിശ്വൽ ഈസി കൗണ്ടർസ്, ഫൺ ആൻഡ് എന്റർടൈമെന്റ് എന്നിവയാണ് ഉൾപെടുത്തിരിക്കുന്നത്. ഈ രംഗത്ത് ജോലി തേടി എത്തിയവർക്കും പുതുതായി ജോലിയിൽ പ്രവേശിച്ചവർക്കും ഉപകാരപ്പെടുന്ന ക്ലാസ്സുകൾക്ക് യു.എ.ഇയിലെ പ്രശസ്ത കലാകാരൻമാർ നേതൃത്വം നൽകും.
പരിപടിയെകുറിച്ച് വര കോഓർഡിനേറ്റർ സജീർ ഗ്രീൻ ഡോട്ട് വിശദീകരിച്ചു. ഹിറ്റ് എഫ് എം ആർ.ജെ ഫസ് ലു മുഖ്യ അതിഥിയായ ചടങ്ങിൽ ക്രിയേറ്റീവ് ആർട്ടിസ്റ്റ് ഡാവിഞ്ചി സുരേഷ്, കാലിഗ്രാഫർ ഖലീലുള്ള ചെമ്മനാട്, ഡിജിറ്റൽ ആർട്ടിസ്റ്റ് ജിയോ ജോൺ മുള്ളൂർ, മ്യൂസിഷൻ അനൂപ് മുരളീധരൻ, മ്യൂറൽ ആർട്ടിസ്റ്റ് രമ്യ അഭിലാഷ് എന്നിവർ പങ്കെടുത്തു. പ്രകാശന ചടങ്ങിന് ജിബിൻ, അൻസാർ, റിയാസ് സ്ക്രാപ്പ് മല്ലു, യാസ്ക്ക് ഹസ്സൻ, മുബീൻ, ഷമീം, നിസാർ, അഭിലാഷ്, നൗഫൽ എന്നിവർ നേതൃത്വം നൽകി