യു.എ.ഇയിലെ ട്രാവല്‍ രംഗത്തെ പ്രമുഖരായ സ്മാര്‍ട്ട് ട്രാവല്‍ ഗ്രൂപ്പിന്‍റെ പുതിയ സംരംഭമായ ഹോളിഡെമേക്കേഴ്സ്.കോമിന്‍റെ ബ്രാന്റ് അംബാസഡറായി മിഥുന്‍ രമേശ് എത്തുന്നു. നടൻ, ജനപ്രിയ ആർജെ, അവതാരകന്‍ തുടങ്ങിയ മേഖലകളില്‍ ഏറെ ജനപ്രിയനായ മിഥുന്‍ രമേശ് മിഥുൻ യാത്രാ സമൂഹവുമായി ഏറെ ബന്ധപ്പെട്ടിരിക്കുന്ന വ്യക്തിത്വമാണെന്ന് സ്‌മാർട്ട് ട്രാവൽ ഗ്രൂപ്പ് ചെയർമാൻ അഫി അഹമ്മദ് പറഞ്ഞു. മിഥുന്‍ രമേശിന്‍റെ സാന്നിധ്യം ഹോളിഡേ മേക്കേഴ്‌സിനെ കൂടുതല്‍ ഉയരങ്ങളിലേക്ക് എത്തിക്കുന്നതിന് സഹായകമാകുമെന്ന് അദ്ദേഹം പറഞ്ഞു. ഹോളിഡെമേക്കേഴ്സ്.കോമിന്‍റെ മുഖമെന്ന നിലയിൽ വിവിധ പ്രൊമോഷന്‍ പ്രോജക്റ്റുകളില്‍ മിഥുൻ രമേശ് ഭാഗവാക്കാകും. സ്‌മാർട്ട് ട്രാവൽ ഗ്രൂപ്പ് ജനറൽ മാനേജർ സഫീർ മഹമൂദ്, ഫിനാൻസ് കൺട്രോളർ ഷെഹ്‌സാദ്, ഹോളിഡേ മേക്കേഴ്‌സ് ഓപ്പറേഷൻസ് ഡയറക്ടർ സന്ദീപ് രാജ്‌വാദേ എന്നിവർ ദുബൈ മെഹ്‌മാൻ ഹോട്ടൽ നടത്തിയ വാർത്താ സമ്മേളനത്തിലാണ് ഇക്കാര്യം അറിയിച്ചത്.
ഹോളിഡെമേക്കേഴ്സ്.കോമിന്‍റെ ഭാഗാമായി യാത്രക്കാർക്ക് അവരവരുടെ ഇഷ്ട താല്പര്യങ്ങൾക്ക് അനുസരിച് സ്വന്തമായി പാക്കേജുകൾ രൂപപ്പെടുത്താനും ഇഷ്ടപ്പെട്ട ടൂറുകൾ തിരഞ്ഞെടുക്കാനും 3-സ്റ്റാർ മുതൽ 5-സ്റ്റാർ ഹോട്ടലുകൾ വരെയുള്ള താമസസൗകര്യങ്ങൾ തിരഞ്ഞെടുക്കാനും കഴിയും, മാത്രമല്ല ഏറ്റവും ചുരുങ്ങിയ വിലയിൽ ലഭ്യമാണ് എന്നതും പ്രത്യേകതയാണ്. ഓരോ പാക്കേജിലും എന്തൊക്കെ ഉൾപ്പെട്ടിരിക്കുന്നതെന്ന് കൃത്യമായി അറിയാനും അനുയോജ്യമായവ തിരഞ്ഞെടുക്കാനും കഴിയും.
ഇപ്പോൾ 549 ദിർഹത്തിന് ലഭിക്കുന്ന എക്‌സ്‌ക്ലൂസീവ് ക്രൂയിസ് ഹോളിഡേ പാക്കേജില്‍ 17 തരം മികച്ച ഭക്ഷണങ്ങള്‍ കൂടാതെ യാത്ര അവിസ്മരണീയമാക്കുന്ന ഗെയിംസ്, ഷോകൾ അടക്കമുള്ള വിവിധ വിനോദ പരിപാടികളും ഉണ്ടാകും. ദുബയിലെ ഏറ്റവും മികച്ച ക്രൂയിസ് യാത്രാനുഭവം സമ്മാനിക്കുകയാണ് ഹോളിഡെമേക്കേഴ്സ്. വിസിറ്റ് വിസയിലുള്ളവര്‍ക്കും ഈ പാകേജ് ഉപയോഗപ്പെടുത്താന്‍ അവസരമുണ്ടാകും. ഇതോടൊപ്പം ഹോളിഡെമേക്കേഴ്സ് ഏറ്റവും പുതിയ 10 ദിർഹത്തിന് അന്താരാഷ്ട്ര അവധിക്കാല പാക്കേജുകൾ എന്ന ക്യാമ്പയിൻ കൂടി അവതരിപ്പിക്കുന്നുണ്ട്. വർഷത്തിൽ ഒരിക്കലെങ്കിലും യാത്ര ചെയ്യാൻ എല്ലാവരെയും പ്രചോദിപ്പിക്കുക എന്നതാണ് ഹോളിഡെമേക്കേഴ്സ്.കോമിന്‍റെ ലക്ഷ്യമെന്നും അധികൃതര്‍ വ്യക്തമാക്കി.