തമിഴ് സിനിമാ-സീരിയല്‍ താരം വിജയലക്ഷ്മി അന്തരിച്ചു. 70 വയസ്സായിരുന്നു. വൃക്കരോഗത്തിന് ചികിത്സയിലിരിക്കെ വിജയലക്ഷ്മിക്ക് വീണുപരിക്കേറ്റിരുന്നതായി ബന്ധുക്കള്‍ അറിയിച്ചു. ചെന്നൈയിലെ ആശുപത്രിയിലായിരുന്നു അന്ത്യം. വിജയലക്ഷ്മി ടെലിവിഷന്‍ സീരിയലുകളിൽ സജീവമായിരുന്നു. ശരവണന്‍ മീനാക്ഷി, മുത്തഴക്, ഈറമാന റോജാവേ എന്നിവയടക്കം അമ്പതോളം പരമ്പരകളില്‍ അഭിനയിച്ചിട്ടുണ്ട്. നാടകങ്ങളിലൂടെ അഭിനയരംഗത്തെത്തിയ വിജയലക്ഷ്മി പത്തോളം സിനിമകളില്‍ ചെറുവേഷങ്ങളില്‍ അഭിനയിച്ചിട്ടുണ്ട്.
