മലയാളികളുടെ പ്രിയതാരം ഇനി ബൈക്കിലും പായും. നടൻ അജിത്ത് കുമാറിനൊപ്പം ബൈക്ക് യാത്ര ചെയ്ത മഞ്ജുവിന്റെ ചിത്രങ്ങളെല്ലാം വൈറലായിരുന്നു. ഈ യാത്രയ്ക്ക് ശേഷം ബൈക്ക് ഓടിക്കാനുള്ള ആഗ്രഹം തോന്നിയെന്ന് മഞ്ജു പല അഭിമുഖങ്ങളിലും പറഞ്ഞിരുന്നു. അജിത്ത് നായകനായ ‘തുനിവ്’ എന്ന ചിത്രമാണ് മഞ്ജുവിന്റേതായി അടുത്തിടെ പുറത്തിറങ്ങിയത്. ചിത്രത്തിന്റെ ഷൂട്ടിംഗിനിടെ മഞ്ജുവിന്റെ യാത്രകളോടുള്ള ഇഷ്ടം മനസിലാക്കിയ അജിത്ത് താരത്തെ ഒപ്പം കൂട്ടുകയായിരുന്നു. എറണാകുളം കാക്കനാട് ആര്‍ടി ഓഫീസിന് കീഴിലായിരുന്നു മഞ്ജു ടെസ്റ്റില്‍ പങ്കെടുത്തത്. ഫോര്‍ വീലര്‍ ലൈസന്‍സ് നേരത്തെ തന്നെ മഞ്ജു നേടിയിട്ടുണ്ട്.
