ദുബായ് ആസ്ഥാനമായി പ്രവർത്തിക്കുന്ന ബിസിസി ഗ്രൂപ്പ് ഇന്റർനാഷണൽ യു എ യിലെ പ്രമുഖ റിയൽ എസ്റ്റേറ്റ് സ്ഥാപനമായ അജദ് റിയൽ എസ്റ്റേറ്റിന്റെ 51 ശതമാനം ഓഹരികൾ ഏറ്റെടുത്തു. ദുബായിൽ നടന്ന കരാർ ഒപ്പുവയ്ക്കൽ ചടങ്ങിൽ അജദ് റിയൽ എസ്റ്റേറ്റ് സി ഇ ഒ ഹമാദ് മുഹമ്മദ് അബ്ദുല്ല അൽ കത്ബിയും ബിസിസി ഗ്രൂപ്പ് ഇന്റർനാഷണൽ ചെയർമാൻ അംജദ് സിത്താരയും പങ്കെടുത്തു.
ഏറ്റെടുക്കലിനൊപ്പം രാജ്യത്ത് ആദ്യമായി റിയൽ എസ്റ്റേറ്റ് ഏജന്റുമാർക്ക് 100 ശതമാനം കമ്മീഷൻ നൽകുന്ന നൂതനമായൊരു മോഡൽ നടപ്പിലാക്കുമെന്ന് ബി സി സി ഗ്രൂപ്പ് പ്രഖ്യാപിച്ചു. ഏജന്റുമാർ സ്വതന്ത്ര സംരംഭകർ ആയി മാറാൻ സഹായിക്കുന്ന ഈ പുത്തൻ ആശയത്തിലൂടെ അവരുടെ കഠിനാധ്വാനത്തിന് പൂർണ പ്രതിഫലം ലഭിക്കുക മാത്രമല്ല മികച്ച പ്രതിഭകളെ ആകർഷിക്കുകയും പരമ്പരാഗത ബ്രോക്കറേജ് സംവിധാനങ്ങളെ പുനർനിർവചിക്കുകയും ചെയ്യുമെന്നാണ് കരുതപ്പെടുന്നത്.
2012-ൽ സ്ഥാപിതമായ BCC ഗ്രൂപ്പ് ഇന്റർനാഷണൽ ഇന്ന് ISO 9001 സർട്ടിഫിക്കറ്റ് നേടിയ ദുബായ് ആസ്ഥാനമായ പ്രവർത്തിക്കുന്ന കമ്പനിയാണ്. നിർമ്മാണ സേവനം, തൊഴിലാളി വിതരണം എന്നിവയിൽ ആരംഭിച്ച ബി സി സി ഗ്രൂപ്പ് ഇന്റർനാഷണൽ റിയൽ എസ്റ്റേറ്റ്, ഹോസ്പിറ്റാലിറ്റി, ലോജിസ്റ്റിക്സ്, ഐടി തുടങ്ങിയ മേഖലകളിൽ ആഗോളതലത്തിൽ പ്രവർത്തിക്കുന്നു. യുഎഇ, ഖത്തർ, സൗദി അറേബ്യ, ഇന്ത്യ എന്നിവിടങ്ങളിലായി 20,000-ലധികം പ്രൊഫഷണലുകൾ ഗ്രൂപ്പിന് കീഴിൽ സേവനമനുഷ്ഠിക്കുന്നുണ്ട്.