ഇന്ത്യ സ്വാതന്ത്ര ദിനം ആഘോഷിക്കുന്ന ഓഗസ്റ്റ് 15 ന് തന്നെ സ്വാതന്ത്രദിനമായി ആചരിക്കുന്ന മറ്റൊരു രാജ്യം കൂടി ഉണ്ട്, കൊറിയ. 1910 മുതൽ 1945 വരെ ജപ്പാന്റെ അധീനതയിലായിരുന്ന കൊറിയ സ്വാതന്ത്രയാവുന്നതും ഓഗസ്റ്റ് 15 ആണ്. തനത് സംസ്കാരം പ്രദര്ശിപ്പിച്ച് കൊറിയയും ഇക്കുറി ഗ്ലോബൽ വില്ലേജിൽ എത്തിയിട്ടുണ്ട്. കൊറിയൻ പവലിയന്റെ മുൻഭാഗത്ത് പ്രകൃതിയും വാസ്തുവിദ്യയും തമ്മിൽ സംയോജിപ്പിച്ചുള്ള മനോഹര നിർമ്മിതി കാണാം.
പേരുകേട്ട സൗന്ദര്യ വർധകവസ്തുക്കളുടെ വലിയ വിപണന കേന്ദ്രം കൂടിയാണ് കൊറിയൻ പവലിയൻ. നിരവധി മുന്തിയ ബ്രാൻഡുകളുടെ വിവിധ ഉത്പന്നങ്ങൾ വലിയ തോതിൽ തന്നെ എത്തിച്ചിട്ടുണ്ട്. മെയ്ക് അപ്പ് സാധനങ്ങളും മേക്കപ്പ് ബ്രഷുകളും ഇവിടെ വിൽപനക്കായി ഒരുക്കിയിട്ടിട്ടുണ്ട്.
വേദന സംഹാരിണികളായ നിരവധി കൊറിയൻ എണ്ണകളും ഇവിടെ കാണാം. കാലുവേദനയും മസിൽ വേദനയും എല്ലാം മാറ്റാനാണിത് എന്നാണ് ഇവരുടെ ഭാഷ്യം. മുഖത്തിനും മുടിക്കും കാലുകൾക്കും ദേഹമാസകലവും ഉപയോഗിക്കുവാൻ കഴിയുന്ന ലേപനങ്ങളും എല്ലാമായി നിരവധി കടകളാണ് കൊറിയയുടെ പവലിയനിൽ ഉള്ളത്. സൗന്ദര്യവർദ്ധനവിനെന്ന് അവകാശപ്പെടുന്ന നിരവധി ഉത്പന്നങ്ങൾ ആണ് ഇവിടെ പല സ്റ്റാളുകളിലും പ്രദര്ശിപ്പിച്ചിട്ടുള്ളത്. കറ്റാർവാഴ ഉപയോഗിച്ച് ഉത്പാദിപ്പിക്കുന്ന നിരവധി ക്രീമുകളും മറ്റും ഇവിടുത്തു മുഖ്യ ആകർഷണമാണ്. പ്രകൃതിദത്ത വസ്തുക്കൾ മാത്രം ഉയോഗിച് നിർമ്മിക്കുന്ന ക്രീമുകളും എണ്ണകളും മറ്റു ചർമലേപനങ്ങളുമെല്ലാം ഇവിടെ സുലഭണ്. കറ്റാർവാഴ, തേൻ കാപ്പിപ്പൊടി, മഞ്ഞൾ തുടങ്ങിയ വസ്തുക്കൾ ഉപയോഗിച്ചാണ് ഇവയെല്ലാം നിർമിക്കുന്നതിന് ഇവർ അവകാശപ്പെടുന്നു.
കൊറിയൻ കാലിഗ്രഫിയുമായി പവലിയനിൽ ഒരു ചെറു സ്റ്റാളും ഉണ്ട്. കാലിഗ്രഫി പരമ്പരാഗതമായി ചെയ്യുന്നവരാണെന്നും ആവശ്യമനുസരിച്ച് അവ ഭംഗിയായി കൊറിയൻ കാലിഗ്രാഫിയിൽ രചിച്ച് നൽകുകയും ചെയ്യുന്നുണ്ട്. സാധാരണയായി പേരുകൾ എഴുതുവാനാണ് ആളുകൾ എത്തുന്നത് എന്ന് ഇവർ പറയുന്നു. വാട്ടർ കളർ ആണ് ഇവർ ഇതിനായി ഉപയോഗിക്കുന്നത്. എല്ലാ പാവലിയനിലും കാണുന്നതുപോലെ വസ്ത്രങ്ങളും ധാരാളമായി എത്തിച്ചിട്ടുണ്ട്.