യു എ ഇയിലെ ബീ​ച്ചു​ക​ളി​ൽ നി​രീ​ക്ഷ​ണം ശക്തമാക്കാൻ നി​ർ​മ്മി​തബു​ദ്ധി കാ​മ​റ​ക​ൾ

രാ​ജ്യ​ത്തു​ട​നീ​ള​മു​ള്ള ബീ​ച്ചു​ക​ളി​ൽ ബീച്ചുകളിൽ നീന്തൽക്കാരെ നിരീക്ഷിക്കാനും സംരക്ഷിക്കാനും നി​ർ​മി​ത ബു​ദ്ധി​യു​ടെ സ​ഹാ​യ​ത്തോ​ടെ പ്ര​വ​ർ​ത്തി​ക്കു​ന്ന നി​രീ​ക്ഷ​ണ കാ​മ​റ​ക​ൾ ഉടൻ സ്ഥാപിക്കും. ലൈ​ഫ്​ ഗാ​ർ​ഡു​ക​ൾ​ക്ക്​ ബീ​ച്ചി​ലെ​ത്തു​ന്ന​വ​രെ നി​രീ​ക്ഷി​ക്കു​ന്ന​തി​നും നീ​ന്ത​ലി​നി​ടെ​യു​ണ്ടാ​കു​ന്ന അ​പ​ക​ട​ങ്ങ​ൾ തി​രി​ച്ച​റി​യാ​നും​ പു​തി​യ കാ​മ​റ​ക​ൾ സ​ഹാ​യ​ക​മാ​വും.

വാട്ടർ സേഫ്റ്റി ആൻഡ് ഫസ്റ്റ് എയ്ഡ് കമ്പനിയായ ബ്ലൂഗാർഡുമായി സഹകരിച്ചാണ് പദ്ധതി നടപ്പാക്കുക. ഇ​ത്ത​രം സാ​​ങ്കേ​തി​ക വി​ദ്യ​ക​ളോ​ടെ​യു​ള്ള നി​രീ​ക്ഷ​ണ കാ​മ​റ​ക​ൾ നി​ർ​മി​ക്കു​ന്ന ക​മ്പ​നി​യു​മാ​യി ബ്ലൂ​ഗാ​ർ​ഡ് ച​ർ​ച്ച​ക​ൾ ആ​രം​ഭി​ച്ചി​രി​ക്കു​ക​യാ​ണ്​. ഈ ​വ​ർ​ഷം അ​വ​സാ​ന​ത്തോ​ടെ കാ​മ​റ സ്ഥാ​പി​ക്കു​മെ​ന്ന്​ ബ്ലൂ​ഗാ​ർ​ഡി​ലെ വി​ദ​ഗ്​​ധ​ർ അ​റി​യി​ച്ചു. ലോകാരോഗ്യ സംഘടന (ഡബ്ല്യുഎച്ച്ഒ) ജൂലൈ 25 ആദ്യത്തെ മുങ്ങിമരണ പ്രതിരോധ ദിനമായി പ്രഖ്യാപിച്ചതിന് പിന്നാലെയാണ് പ്രതിരോധ നടപടി പ്രഖ്യാപിച്ചത്.

തി​ര​ക്കേ​റി​യ സ​മ​യ​ങ്ങ​ളി​ൽ യു.​എ.​ഇ​യി​ലെ ബീ​ച്ചു​ക​ളി​ൽ നൂ​റി​ല​ധി​കം പേ​രാ​ണ്​ നീ​ന്താ​നി​റ​ങ്ങു​ന്ന​ത്. ഇ​വ​ർ​ക്കാ​യി പ​ല​പ്പോ​ഴും ഒ​രു ലൈ​ഫ്​ ഗാ​ർ​ഡാ​യി​രി​ക്കും ഉ​ണ്ടാ​വു​ക​യെ​ന്ന്​ ബ്ലൂ​ഗാ​ർ​ഡ്​ സ്ഥാ​പ​ക​നും മാ​നേ​ജി​ങ്​ ഡ​യ​റ​ക്ട​റു​മാ​യ ലൂ​ക്​ ക​ണ്ണി​ങ്​​ഹാം പ​റ​ഞ്ഞു. പു​തി​യ സാ​​ങ്കേ​തി​ക​വി​ദ്യ ഉ​പ​യോ​ഗി​ച്ച്​ എ​ത്ര പേ​ർ ക​ട​ലി​ൽ കു​ളി​ക്കു​ന്നു​ണ്ടെ​ന്ന്​ കൃ​ത്യ​മാ​യി ക​ണ്ടെ​ത്താ​നാ​വും. ക​ട​ലി​ൽ നീ​ന്തു​ന്ന​വ​രി​ൽ ആ​​ർ​ക്കെ​ങ്കി​ലും​ പ്ര​യാ​സം നേ​രി​ട്ടാ​ൽ കാ​മ​റ ഇ​ത്​ ഒ​പ്പി​യെ​ടു​ത്ത്​ ലൈ​ഫ്​ ഗാ​ർ​ഡി​ന്​ കൈ​മാ​റും. ഇ​തു​വ​ഴി ലൈ​ഫ്​ ഗാ​ർ​ഡു​ക​ൾ​ക്ക്​​ അ​പ​ക​ട​ത്തി​ൽ​പെ​ട്ട​വ​രെ വേ​ഗ​ത്തി​ൽ ര​ക്ഷ​പ്പെ​ടു​ത്താ​ൻ സാ​ധി​ക്കും.