സമ്പന്നരായ കുടിയേറ്റക്കാർക്കുള്ള മില്യൺ “ഗോൾഡ് കാർഡ്” വിസ യുഎസ് പ്രസിഡൻ്റ് ഡൊണാൾഡ് ട്രംപ് പുറത്തിറക്കി. അദ്ദേഹത്തിൻ്റെ ചിത്രം ഉൾപ്പെടെ ആലോഘനം ചെയ്ത കാർഡ് താരിഫ് പ്രഖ്യാപനത്തിൻ്റെ തൊട്ടുത്ത ദിവസമാണ് ട്രംപ് പുറത്തിറക്കിയത്.
ആദ്യം വാങ്ങുന്നയാൾ താനാണെന്നും ട്രംപ് അവകാശപ്പെട്ടു.
എയർഫോഴ്സ് വണ്ണിൽ നടത്തിയ പത്രസമ്മേളനത്തിൽ ആണ് , സമ്പന്നരായ കുടിയേറ്റക്കാർക്കുള്ള മില്യൺ “ഗോൾഡ് കാർഡ്” വിസയെക്കുറിച്ച് യുഎസ് പ്രസിഡൻ്റ് ഡൊണാൾഡ് ട്രംപ് വിശദീകരിച്ചത്. കാർഡ് പ്രത്യേകതയുടെയും അവസരത്തിന്റെയും പ്രതീകമാണെന്ന് ട്രംപ് വിശേഷിപ്പിച്ചു, “5 മില്യൺ ഡോളറിന്, ഇത് നിങ്ങൾക്ക് സ്വന്തമാക്കാം.” എന്നും അദ്ദേഹം പറഞ്ഞു.
ഗോൾഡ് കാർഡ് നിലവിലുള്ള EB-5 ഇമിഗ്രന്റ് ഇൻവെസ്റ്റർ വിസ പ്രോഗ്രാമിന് പകരമായിരിക്കും. നിലവിൽ വിദേശ നിക്ഷേപകർക്ക് ടാർഗെറ്റഡ് എംപ്ലോയ്മെന്റ് ഏരിയകളിൽ (TEA) സ്ഥിതി ചെയ്യുന്ന പ്രോജക്ടുകളിൽ കുറഞ്ഞത് $800,000 അല്ലെങ്കിൽ മറ്റെവിടെയെങ്കിലും $1.8 മില്യൺ നിക്ഷേപിച്ചാൽ ഗ്രീൻ കാർഡുകൾ നേടാം.
1,000-ത്തിലധികം ഗോൾഡ് കാർഡുകൾ വിറ്റഴിക്കപ്പെട്ടുവെന്നും ലോകമെമ്പാടുമുള്ള 37 ദശലക്ഷത്തിലധികം ആളുകൾക്ക് ഒരെണ്ണമെങ്കിലും വാങ്ങാൻ കഴിവുണ്ടെന്നും വാണിജ്യ സെക്രട്ടറി ഹോവാർഡ് ലുട്നിക് കഴിഞ്ഞ മാസം മുമ്പ് അവകാശപ്പെട്ടിരുന്നുവെന്ന് ന്യൂയോർക്ക് പോസ്റ്റ് റിപ്പോർട്ട് ചെയ്യുന്നു. കഴിഞ്ഞ രണ്ടര പതിറ്റാണ്ടിനിടയിൽ 135,518 ഇബി-5 വിസകൾ നൽകിയിട്ടുണ്ടെന്ന് ഇൻവെസ്റ്റ് ഇൻ ദി യുഎസ്എ (IIUSA) പ്രോഗ്രാം പങ്കാളികളുടെ ട്രേഡ് അസോസിയേഷന്റെ കണക്കുകൾ വ്യക്തമാക്കുന്നു