സംസ്ഥാനത്തെ ആദ്യ വന്ദേഭാരത് എക്‌സ്പ്രസ് ട്രെയിനിന്റെ സമയക്രമം പ്രഖ്യാപിച്ചു. തിരുവനന്തപുരം മുതല്‍ കാസര്‍കോട് വരെ സര്‍വീസ് നടത്തുന്ന ട്രെയിന്‍ ചൊവ്വാഴ്ച പ്രധാനമന്ത്രി നരേന്ദ്ര മോദി ഫ്‌ളാഗ് ഓഫ് ചെയ്യും. വ്യാഴാഴ്ചകളില്‍ വന്ദേഭാരത് സര്‍വീസ് ഉണ്ടാകില്ല. 8 മണിക്കൂര്‍ 05 മിനിറ്റാണ് റണ്ണിങ് ടൈം നല്‍കിയിരിക്കുന്നത്. ഷൊര്‍ണൂരില്‍ സ്റ്റോപ്പ് അനുവദിച്ചിട്ടുണ്ട്.
തിരുവനന്തപുരം-കാസര്‍കോട് വന്ദേഭാരത് രാവിലെ 5.20ന് തിരുവനന്തപുരത്തു നിന്നു പുറപ്പെട്ട് ഉച്ചയ്ക്കു 1.25ന് കാസര്‍കോട് എത്തും. അവിടെ നിന്നും ഉച്ചയ്ക്കു 2.30ന് പുറപ്പെട്ടു രാത്രി 10.35ന് തിരുവനന്തപുരത്ത് എത്തുന്ന വിധത്തിലാണ് മടക്കയാത്ര.
വന്ദേഭാരത് സമയക്രമം:
തിരുവനന്തപുരം-കാസര്‍കോട് വന്ദേഭാരത് (ട്രെയിന്‍ നമ്പര്‍ 20634 – എത്തുന്ന സമയം / പുറപ്പെടുന്ന സമയം)
തിരുവനന്തപുരം- 5.20, കൊല്ലം- 6.07 / 6.09, കോട്ടയം- 7.25 / 7.27, എറണാകുളം ടൗണ്‍- 8.17 / 8.20, തൃശൂര്‍- 9.22 / 9.24, ഷൊര്‍ണൂര്‍- 10.02/ 10.04, കോഴിക്കോട്- 11.03 / 11.05, കണ്ണൂര്‍- 12.03/ 12.05, കാസര്‍കോട്- 1.25 നും എത്തും.
കാസര്‍കോട്-തിരുവനന്തപുരം വന്ദേഭാരത് (ട്രെയിന്‍ നമ്പര്‍ 20633 – എത്തുന്ന സമയം / പുറപ്പെടുന്ന സമയം)
കാസര്‍കോട്- ഉച്ചക്ക് 2.30, കണ്ണൂര്‍-3.28 / 3.30, കോഴിക്കോട്- 4.28/ 4.30, ഷൊര്‍ണൂര്‍- 5.28/5.30, തൃശൂര്‍-6.03 / 6..05, എറണാകുളം-7.05 / 7.08, കോട്ടയം-8.00 / 8.02, കൊല്ലം- 9.18 / 9.20, തിരുവനന്തപുരം- 10.35 ന് തിരിച്ചെത്തും