സംസ്ഥാനത്ത് വിവിധയിടങ്ങളിൽ പഴകിയ ഭക്ഷണം വിതരണം ചെയ്യുന്നതുമായി ബന്ധപ്പെട്ട് നിരവധി പരാതികളാണ് നിത്യേന ഉയരുന്നത്. എറണാകുളം ജില്ലയിൽ പഴകിയ ഭക്ഷണം വിറ്റ 47 ഹോട്ടലുകൾക്കെതിരെ നടപടി. ആറ് ഹോട്ടലുകൾ അടപ്പിച്ചപ്പോൾ 19എണ്ണം പിഴയിൽ ഒതുക്കി. കളമശേരി അടക്കമുളള മേഖലകളിൽ ഭക്ഷ്യ സുരക്ഷാ ഉദ്യോഗസ്ഥർ പരിശോധന നടത്തുകയാണ്.
മട്ടാഞ്ചേരിയിലെ ഹോട്ടലിൽ നിന്ന് പരിശോധനക്കിടെ ഉദ്യോഗസ്ഥർക്ക് ബിരിയാണിയിൽ പഴുതാരയെ കിട്ടിയിരുന്നു. ദിവസവും നിരവധി സഞ്ചാരികൾ വന്ന് പോകുന്ന മട്ടാഞ്ചേരിയിലെ കയായീസ് ഹോട്ടലില്‍ വിളമ്പിയ ബിരിയാണിയിൽ നിന്നാണ് പഴുതാരയെ കിട്ടിയത്. കട അടക്കാൻ നിർദ്ദേശം നൽകി. മട്ടാഞ്ചേരിയിലെ സിറ്റിസ്റ്റാർ, ഫോർട്ടുകൊച്ചിയിലെ എ വൺ, കാക്കനാട് ഷേബ ബിരിയാണി, ഇരുമ്പനത്തെ ഗുലാൻ തട്ടുകട, നോർത്ത് പറവൂരിലെ മജലിസ് എന്നിവയും അടപ്പിച്ചു.