രണ്ട് ദിവസത്തെ തമിഴ്നാട് സന്ദർശനത്തിനായി പ്രധാനമന്ത്രി നരേന്ദ്ര മോദി ഇന്ന് ചെന്നൈയിൽ എത്തും. രാത്രി 9 മണിയോടെ ചെന്നൈയിലെത്തുന്ന അദ്ദേഹം ഇന്ന് നഗരത്തിൽ തങ്ങും. നാളെ പുതുച്ചേരിയിലും മധുരയിലുമായി നടക്കുന്ന വിവിധ വികസന പദ്ധതികളുടെ ഉദ്ഘാടനമാണ് സന്ദർശനത്തിലെ പ്രധാന അജണ്ട. നാളെ രാവിലെ 11:45-ന് 2700 കോടി രൂപയുടെ വിവിധ വികസന പദ്ധതികളുടെ ഉദ്ഘാടനം പ്രധാനമന്ത്രി നിർവ്വഹിക്കും. വൈകുന്നേരം 3 മണിയോടെ മധുരയിലെത്തുന്ന അദ്ദേഹം 4000 കോടി രൂപയുടെ പദ്ധതികൾ രാജ്യത്തിന് സമർപ്പിക്കും. വൈകിട്ട് 4 മണിക്ക് പ്രശസ്തമായ തിരുപ്പരങ്കുൺട്രം ക്ഷേത്രത്തിൽ അദ്ദേഹം ദർശനം നടത്തും.
