കാര്യവട്ടം ഗവൺമെന്റ് കോളേജിലെ റാഗിങില് നടപടി. 7 സീനിയർ വിദ്യാർത്ഥികളെ സസ്പെന്റ് ചെയ്തു. ബയോടെക്നോളജി ഒന്നാം വർഷ വിദ്യാർത്ഥി ബിൻസ് ജോസ് നൽകിയ നൽകിയ പരാതിയിലാണ് നടപടി. പ്രതിയാക്കിയ വിദ്യാർത്ഥികൾകെതിരെ പോലീസ് റാഗിംഗ് നിയമം ചുമത്തും. ബിൻസ് നൽകിയ പരാതിയിൽ കഴക്കൂട്ടം പോലീസ് രജിസ്റ്റർ ചെയ്ത കേസിൽ റാഗിംഗ് നിയമം ചുമത്തിയിട്ടില്ല.
ഒന്നാം വർഷ വിദ്യാർത്ഥിയെ പ്രതികളായ 7 സീനിയർ വിദ്യാർത്ഥികൾ ചേർന്ന് ക്രൂരമായി മർദിച്ചുവെന്ന് എഫ്ഐആര് രജിസ്റ്റര് ചെയ്തിരിക്കുന്നത്. സീനിയര് വിദ്യാർത്ഥികളായ വേലു, പ്രിന്സ്, അനന്തന്, പാര്ത്ഥന്, അലന്, ശ്രാവണ്, സല്മാന് തുടങ്ങി ഏഴ് പേരാണ് റാഗിങ് നടത്തിയത് എന്നാണ് പരാതിയിൽ പറയുന്നത്.സി.സി.ടി.വി ദൃശ്യങ്ങളും സാക്ഷിമൊഴികളും പരിശോധിച്ച ശേഷമാണ് സമിതി റാഗിങ് നടന്നതായി കണ്ടെത്തിയത്.
കഴിഞ്ഞ 11-ാം തീയതി സീനിയര് ജൂനിയര് വിദ്യാർത്ഥികള് തമ്മില് അടിപിടി നടന്നിരുന്നു. ബിന്സ് ജോസിന്റെ സുഹൃത്തായ അഭിഷേകിന് സീനിയര് വിദ്യാര്ത്ഥികളുടെ മര്ദ്ദനത്തില് പരിക്കേറ്റു. ഇരുകൂട്ടരുടെയും പരാതിയില് അന്ന് കഴക്കൂട്ടം പോലീസ് കേസെടുക്കുകയും ചെയ്തു.അഭിഷേകിനെ അന്വേഷിച്ചെത്തിയ സീനിയര് വിദ്യാര്ഥികള് ബിന്സിനെ യൂണിറ്റ് റൂമില് കൊണ്ടുപോയി സംഘം ചേര്ന്ന് മര്ദ്ദിച്ചുവെന്നാണ് പരാതി.
ഷര്ട്ട് വലിച്ചു കീറി മുട്ടുകാലില് നിർത്തി മുതുകിലും ചെകിടത്തും അടിച്ചു. തറയില് വീണ ബിന്സിനെ വീണ്ടും മര്ദ്ദിച്ചു. വെള്ളം ചോദിച്ചപ്പോള് തുപ്പിയ ശേഷം കുപ്പിവെള്ളം നല്കിയതായും ബിന്സ് പറയുന്നു. പിന്നാലെയാണ് ബിന്സ് കഴക്കൂട്ടം പോലീസിലും പ്രിന്സിപ്പലിനും പരാതി നല്കിയത്. കമ്മിറ്റിയുടെ കണ്ടെത്തലില് പ്രിന്സിപ്പല് കഴക്കൂട്ടം പോലീസിന് റിപ്പോര്ട്ട് നല്കി.
സിനിമയില് താരം മുതലാളി, കോടികള് കൊടുക്കണം, കാലും പിടിക്കണം എന്ന അവസ്ഥ; ശ്രീകുമാരന് തമ്പി
സിനിമാ താരങ്ങളുടെ പ്രതിഫലവുമായി ബന്ധപ്പെട്ട് നിര്മ്മാതാക്കളുടെ പോര് മുറുകുന്നതിനിടെ പ്രതികരണവുമായി സംവിധായകനും നിര്മ്മാതാവുമായ ശ്രീകുമാരന് തമ്പി. എല്ലാ തൊഴില് മേഖലയിലും പണം മുടക്കുന്നവന് മുതലാളിയും തൊഴില് ചെയ്ത് പ്രതിഫലം വാങ്ങുന്നയാള് തൊഴിലാളിയുമാണെന്നും എന്നാല് സിനിമയില് സ്ഥിതി വിപരീതമാണ്. നായികമാരെയും സാങ്കേതികപ്രവര്ത്തകരെയും തീരുമാനിക്കുന്നതും താരങ്ങളാണ് എന്നാണ് ശ്രീകുമാരന് തമ്പി പറയുന്നത്.
ശ്രീകുമാരന് തമ്പിയുടെ ഫെയ്സ്ബുക്ക് പോസ്റ്റ്:
ഏതു തൊഴില് മേഖലയിലും പണം മുടക്കുന്നവന് മുതലാളിയും തൊഴില് ചെയ്തു പ്രതിഫലം വാങ്ങുന്നയാള് തൊഴിലാളിയുമാണ്. എന്നാല് സിനിമയിലെ സ്ഥിതി വിപരീതമാണ്. അവിടെ പണം മുടക്കുന്നയാള് തൊഴിലാളിയും വലിയ പ്രതിഫലം വാങ്ങി ജോലി ചെയ്യുന്ന താരം മുതലാളിയുമാണ്. കോടികള് കൊടുക്കണം, കാലും പിടിക്കണം എന്ന അവസ്ഥ.
തന്റെ പടത്തിലെ നായികയെയും സാങ്കേതികവിദഗ്ധരേയും തീരുമാനിക്കുന്നതു പോലും താരത്തിന്റെ ഇഷ്ടം നോക്കിയായിരിക്കണം. അഭിനേതാക്കള് സ്വന്തമായി പടം എടുക്കരുതെന്ന് ഞാന് ഒരിക്കലും പറയില്ല. തീര്ച്ചയായും അവര് നിര്മാണരംഗത്തു വരണം.
എങ്കില് മാത്രമേ നിര്മ്മാതാവിന്റെ അവസ്ഥ അവര് മനസ്സിലാക്കൂ. കവി എന്ന നിലയിലോ സംവിധായകന് എന്ന നിലയിലോ അല്ല ഞാന് ഈ പോസ്റ്റ് ഇടുന്നത്. രണ്ടു ഡസനിലേറെ സിനിമകള് സ്വന്തമായി നിര്മ്മിച്ച് ധനനഷ്ടവും അവഹേളനവും സഹിച്ച ഒരു നിര്മ്മാതാവ് എന്ന നിലയിലാണ്.