തൃശൂരിലും കാട്ടുതീ പടരുന്നു. തൃശൂര്‍ മരട്ടിച്ചാല്‍, മാന്ദാമംഗലം മേഖലയിലുണ്ടായ കാട്ടുതീയില്‍ 100 ഏക്കറോളം വനഭൂമി കത്തി നശിച്ചു. അതേസമയം, ചിമ്മിനി വനമേഖലയില്‍ നിന്നാണ് കാട്ടുതീ വ്യാപിച്ചതെന്ന് നാട്ടുകാര്‍ പറയുന്നു. നാലുദിവസമായിട്ടും കാട്ടുതീ അണയ്ക്കാനായില്ല. ഫയര്‍ ലൈന്‍ ഇട്ട് തീ കെടുത്താനുള്ള വനം വകുപ്പിന്റെ ശ്രമം തുടരുകയാണ്. കാട്ടുമൃഗങ്ങളുടെ ശല്യം വ്യാപകമായി ഉള്ളതുകൊണ്ട് തന്നെ തീ അണയ്ക്കാന്‍ പരിമിതികള്‍ ഉണ്ടെന്ന് അഗ്‌നി രക്ഷാപ്രവര്‍ത്തകര്‍ വ്യക്തമാക്കി.
