എസ്എഫ്ഐ നേതാവ് നിഖില് തോമസ് എന്ന വിദ്യാര്ത്ഥി സർവകലാശാലയില് ബികോമിന് പഠിച്ചിട്ടില്ലെന്ന് കലിംഗ സർവകലാശാലയുടെ വെളിപ്പെടുത്തൽ. ഇക്കാര്യം പരിശോധിച്ചുവെന്ന് രജിസ്ട്രാർ പറഞ്ഞു. നിഖില് തോമസിനെതിരെ നിയമനടപടിയെടുക്കുമെന്നും രജിസ്ട്രാർ സന്ദീപ് ഗാന്ധി വ്യക്തമാക്കി. ഇതോടെ നിഖിൽ തോമസിനെ സസ്പെൻഡ് ചെയ്തു. നിഖിലിനെതിരെ നിയമനടപടി സ്വീകരിക്കുമെന്ന് പ്രിൻസിപ്പാൾ വ്യക്തമാക്കി. അന്വേഷണത്തിന് ആറംഗ സമിതിയെ നിയോഗിച്ച. രണ്ട് ദിവസത്തിനകം റിപ്പോർട്ട് നൽകാൻ സമിതിക്ക് നിർദ്ദേശം നൽകി.
നിലവിൽ നിഖിൽ കായംകുളം എം എസ് എം കോളേജിലെ രണ്ടാം വര്ഷ എം കോം വിദ്യാര്ഥിയാണ്. ഇതേ കോളേജില് തന്നെയാണ് 2017-20 കാലഘട്ടത്തില് ബികോം ചെയ്തത്. പക്ഷേ നിഖില് ഡിഗ്രിക്ക് തോറ്റു. പക്ഷെ ഒരു വര്ഷത്തെ ഇടവേളക്ക് ശേഷം നിഖില് ഇവിടെ തന്നെ എം കോമിന് ചേര്ന്നു. അഡ്മിഷനായി കലിംഗ സര്വകലാശാലയുടെ ബിരുദ സര്ട്ടിഫിക്കറ്റ് ഹാജരാക്കി. എന്നാൽ നിഖില് തോമസ് എന്ന വിദ്യാര്ത്ഥി സർവകലാശാലയില് ബികോമിന് പഠിച്ചിട്ടില്ലെന്ന് കലിംഗ സർവകലാശാലയും വെളിപ്പെടുത്തി.
2019 മുതല് കലിംഗയില് പഠിച്ചെന്നാണ് നിഖിലിന്റെ വാദം. 2019 ൽ നിഖില് യൂണിവേഴ്സിറ്റി യൂണിയന് കൗണ്സിലറും 2020 ല് സര്വകലാശാല യൂണിയന് ജോയിന്റ് സെക്രട്ടറിയുമായിരുന്നു. ഇതോടെയാണ് എംഎസ്എം കോളേജില് നിഖിലിന്റെ ജുനിയർ വിദ്യാര്ഥിനി കൂടിയായ ജില്ലാ കമ്മിറ്റി അംഗം ഡിഗ്രി വ്യാജമെന്ന് ആരോപിച്ച് പാർട്ടിക്ക് പരാതി നല്കിയത്.