ആലപ്പുഴയില് നവജാത ശിശുവിനെ കുഴിച്ചുമൂടിയ കേസില് കുഞ്ഞിന്റെ മൃതദേഹം കണ്ടെത്തി. തകഴി കുന്നുമ്മ കൊല്ലനാടി പാടശേഖരത്തിന് തെക്കേ ബണ്ടിനോട് ചേർന്ന് പോലീസ് നടത്തിയ പരിശോധനയിലാണ് മൃതദേഹം കണ്ടെത്തിയത്.
കസ്റ്റഡിയിലുള്ള യുവാവിനെ സംഭവ സ്ഥലത്തെത്തിച്ച് പരിശോധന നടത്തിയിരുന്നു. ആലപ്പുഴ ചേർത്തല പൂച്ചാക്കല് സ്വദേശിയായ അവിവാഹിതയാണ് കുഞ്ഞിന് ജന്മം നല്കിയിരുന്നത്. കുഞ്ഞിന്റെ മരണം കൊലപാതകമാണോ എന്നത് സ്ഥിരീകരിക്കാൻ ആയിട്ടില്ല എന്ന് ആലപ്പുഴ എസ്പി ചൈത്ര ജോൺ ഐപിഎസ് പറഞ്ഞു. സംഭവത്തിൽ തകഴി സ്വദേശികളായ രണ്ട് യുവാക്കളെ പൊലീസ് കസ്റ്റഡിയിലെടുത്തിട്ടുണ്ട്.
കുഞ്ഞിന്റെ മൃതദേഹം യുവതിയുടെ ആൺസുഹൃത്തിനെ ഏൽപ്പിച്ചതായും അയാളും സുഹൃത്തും കൂടി തകഴിയിൽ കൊണ്ടുവന്ന് മറവുചെയ്തെന്നുമാണ് സംശയമുന്നയിച്ചിരിക്കുന്നത്. പൂച്ചാക്കല് സ്വദേശിയായ അവിവാഹിതയാണ് കുഞ്ഞിന് ജന്മം നല്കിയിരുന്നത്ഈ മാസം ആറാം തിയ്യതിയാണ് യുവതിയുടെ പ്രസവം നടന്നത്. ഏഴിനാണ് കുട്ടിയെ കുഴിച്ച് മൂടുന്നത്. വീട്ടുകാരിൽ നിന്ന് യുവതി വിവരം മറച്ചു വെക്കുകയായിരുന്നു. ശാരീരിക അസ്വസ്ഥതകളെന്ന് പറഞ്ഞ് യുവതി സ്വകാര്യ ആശുപത്രിയിൽ ചികിത്സക്കെത്തുന്നത്. ആശുപത്രി അധികൃതർ കുഞ്ഞിനെ തിരക്കിയപ്പോൾ അമ്മത്തൊട്ടിലിൽ ഏൽപിച്ചു എന്നാണ് ഇവർ പറഞ്ഞത്. പിന്നീട് ബന്ധുക്കൾക്ക് കൈമാറിയെന്നും വീട്ടിലുണ്ടെന്നും പരസ്പര വിരുദ്ധമായ മൊഴികൾ നൽകി. സംശയം തോന്നിയ കൊച്ചിയിലെ സ്വകാര്യ ആശുപത്രി അധികൃതരാണ് പൂച്ചാക്കൽ പൊലീസിൽ വിവരമറിയിച്ചത്. പൊലീസെത്തി മൊഴിയെടുത്തപ്പോഴും വൈരുദ്ധ്യങ്ങളുണ്ടായിരുന്നു.
പിന്നീട് നടത്തിയ വിശദമായ അന്വേഷണത്തിലാണ് കുഞ്ഞിനെക്കുറിച്ചുളള കൂടുതൽ വിവരങ്ങൾ ലഭിക്കുന്നത്. കുഞ്ഞിന്റെ മൃതദേഹം യുവതി ആൺസുഹൃത്തായ തകഴി സ്വദേശിക്ക് കൈമാറിയെന്നും ഇയാൾ മറ്റൊരു സുഹൃത്തിനൊപ്പം പോയി തകഴി കുന്നുമ്മലിൽ മൃതദേഹം മറവ് ചെയ്തു എന്നുമാണ് പൊലീസ് പറയുന്നത്. കസ്റ്റഡിയിലുള്ളവരെ പോലീസ് ചോദ്യം ചെയ്തു വരികയാണ്. പെൺകുട്ടിയും ആൺ സുഹൃത്തും വടക്കേ ഇന്ത്യയിൽ ഒരു കോഴ്സ് പഠിക്കുവാൻ പോവുകയും പിന്നീട് തിരുവനന്തപുരത്ത് ഇവർ ഒരുമിച്ച് ജോലി ചെയ്തു വരികയും ആയിരുന്നു. അങ്ങനെയുള്ള അടുപ്പമാണ് ഈ സംഭവത്തിൽ എത്തിച്ചേർന്നത്.