അമേരിക്കയിലെ സാൻ ഡിയേഗോ തീരത്തിനടുത്ത് ബോട്ട് അപകടത്തിൽ എട്ട് പേർ മരിച്ചു. ഏഴു പേരെ കാണാതായി. തിരച്ചിൽ തുടരുകയാണ്. രണ്ടു ബോട്ടുകളിലായി 23 പേരുണ്ടായിരുന്നു എന്നാണ് സൂചന. ബോട്ടുകളിലെ മറ്റ് യാത്രക്കാർ നീന്തി സാൻ ഡിയേഗോ നഗരത്തിലേക്ക് രക്ഷപ്പെട്ടിരിക്കാമെന്ന് അധികൃതർ സംശയിക്കുന്നു. മനുഷ്യക്കടത്തിന് ഉപയോഗിച്ച രണ്ട് ബോട്ടുകൾ മറിഞ്ഞാണ് അപകടമുണ്ടായത്. ശനിയാഴ്ച്ച രാത്രി പതിനൊന്നരയോടെയാണ് സംഭവം.
