പത്തനംതിട്ട നഗരമധ്യത്തിൽ വൻ പിടുത്തം. ഉച്ചയ്ക്ക് 1.45 ഓടെയാണ് അപകടം നടന്നത്. നഗരത്തിലെ ഗാന്ധി സ്ക്വയറിനോട് ചേർന്നുള്ള എ വൺ ചിപ്സ് കടയിലാണ് ആദ്യം തീ പിടുത്തം ഉണ്ടായത്. ഫയർഫോഴ്സ് എത്തി തീ അണയ്ക്കുന്നതിനിടെ തീ സമീപത്തെ കടകളിലേക്ക് പടർന്നു പിടിച്ചു. അപകടത്തിൽ അഞ്ചുപേർക്ക് പൊള്ളലേറ്റു. അപകടം നടന്നതിനെതുടർന്ന് ഫയർഫോഴ്സ് സംഭവസ്ഥലത്തെ തീ അണക്കാൻ ശ്രമിക്കുന്നതിനിടയിൽ സമീപത്തെ ബേക്കറി, ചെരുപ്പുകട, മൊബൈൽ ഷോപ്പ് എന്നിവിടങ്ങളിലേക്ക് തീ പടർന്നു പിടിച്ചു. ഇതിനിടെ ചിപ്സ് കടയിൽ ഉണ്ടായിരുന്ന ഗ്യാസ് സിലിണ്ടറുകൾ പൊട്ടിത്തെറിച്ചത് തീ കൂടുതൽ ഭാഗങ്ങളിലേക്ക് പടരുന്നതിന് കാരണമായി. ഗ്യാസ് സിലിണ്ടറിന്റെ പൊട്ടിത്തെറിയിൽ നിന്ന് ഫയർഫോഴ്സ് ഉദ്യോഗസ്ഥർ അടക്കം തലനാരിഴയ്ക്കാണ് രക്ഷപ്പെട്ടത്. അപകടത്തെത്തുടർന്ന് നഗരത്തിൽ ഗതാഗത നിയന്ത്രണം ഏർപ്പെടുത്തിയിരുന്നു.