ചെങ്കടൽ കപ്പലുകൾക്ക് നേരെയുള്ള ആക്രമണങ്ങൾക്ക് മറുപടിയായി, യെമനിലെ ഇറാൻ സഖ്യകക്ഷിയായ ഹൂതികൾക്കെതിരെ യുഎസ് വൻതോതിലുള്ള സൈനിക ആക്രമണം നടത്തിയതിനെ തുടർന്ന് കുറഞ്ഞത് 24 പേർ കൊല്ലപ്പെട്ടു. ഹൂതികൾ അവരുടെ പ്രവർത്തനങ്ങൾ അവസാനിപ്പിച്ചില്ലെങ്കിൽ ഗുരുതരമായ പ്രത്യാഘാതങ്ങൾ നേരിടേണ്ടിവരുമെന്ന് യുഎസ് പ്രസിഡന്‍റ് ഡൊണാൾഡ് ട്രംപ് മുന്നറിയിപ്പ് നൽകി.
ഹൂതികളുടെ പ്രധാന പിന്തുണക്കാരായ ഇറാന് ട്രംപ് കർശനമായ മുന്നറിയിപ്പും നൽകി. ഗ്രൂപ്പിനുള്ള പിന്തുണ ഉടൻ അവസാനിപ്പിക്കണമെന്ന് അമേരിക്ക ആവശ്യപ്പെട്ടു. അമേരിക്കയ്‌ക്കെതിരായ ഏത് ഭീഷണിയും ഗുരുതരമായ പ്രത്യാഘാതങ്ങൾ ഉണ്ടാക്കുമെന്ന് അദ്ദേഹം മുന്നറിയിപ്പ് നൽകി.
“എല്ലാ ഹൂതി ഭീകരർക്കും, നിങ്ങളുടെ സമയം കഴിഞ്ഞു, നിങ്ങളുടെ ആക്രമണങ്ങൾ ഇന്ന് മുതൽ അവസാനിപ്പിക്കണം. അവർ അങ്ങനെ ചെയ്തില്ലെങ്കിൽ, നിങ്ങൾ ഇതുവരെ കണ്ടിട്ടില്ലാത്തതുപോലെ ദുരിതം നിങ്ങൾ അനുഭവിക്കേണ്ടിവരും!” ട്രംപ് തന്റെ ട്രൂത്ത് സോഷ്യൽ പ്ലാറ്റ്‌ഫോമിൽ പോസ്റ്റ് ചെയ്തു.
ജനുവരിയിൽ ട്രംപ് പ്രസിഡന്റായതിനുശേഷം മിഡിൽ ഈസ്റ്റിൽ നടക്കുന്ന ഏറ്റവും വിപുലമായ യുഎസ് സൈനിക നടപടിയാണ് ഇപ്പോൾ നടന്നുകൊണ്ടിരിക്കുന്ന ആക്രമണങ്ങൾ. ആണവ ചർച്ചകളിൽ സമ്മർദ്ദം ചെലുത്തുന്നതിനായി ഇറാനിൽ യുഎസ് ഉപരോധം ശക്തമാക്കുന്നതിനിടെയാണ് ആക്രമണം നടന്നതെന്ന് റോയിട്ടേഴ്‌സ് റിപ്പോർട്ട് ചെയ്തു.