തിരുവനന്തപുരത്തെ പ്രധാന വിനോദ സഞ്ചാര മേഖലയായ പൊൻമുടി വളവിൽ കാർ കൊക്കയിലേക്ക് മറിഞ്ഞു. പൊൻമുടിയിലെ 22ആം വളവിൽ ഫോറസ്‌റ്റ് ഓഫീസിന് സമീപത്ത് വച്ചാണ് നാല് പേർ സഞ്ചരിച്ച കാർ കൊക്കയിലേക്ക് മറിഞ്ഞത്. നാലുപേരെയും രക്ഷപെടുത്തി. നാല് പേർക്കും പരിക്കേറ്റിട്ടുണ്ടെങ്കിലും ഗുരുതരമല്ല എന്നാണ് അറിയിച്ചിട്ടുള്ളത്.
അഞ്ചലിൽ നിന്നുള്ള സംഘമാണ് അപകടത്തിൽപ്പെട്ടത് എന്നാണ് പ്രാഥമിക വിവരം. ബ്രേക്ക് നഷ്‌ടപ്പെട്ട കാർ നിയന്ത്രണം വിട്ട് കൊക്കയിലേക്ക് മറിയുകയായിരുന്നു എന്നാണ് സൂചന. മഴയും മൂടൽമഞ്ഞുമുള്ള കാലാവസ്ഥയായതിനാൽ രക്ഷാപ്രവർത്തനം ദുസ്സഹമായിരുന്നെന്ന് നാട്ടുകാർ പറഞ്ഞു.