കേരളത്തിലും സിഎഎ നടപ്പിലാക്കുമെന്ന് ബിജെപി സംസ്ഥാന അധ്യക്ഷൻ കെ സുരേന്ദ്രൻ. ആരുടേയും പൗരത്വം എടുത്ത് കളയാൻ വേണ്ടിയല്ല. പിണറായി വിജയനും സർക്കാരിനും ഇക്കാര്യത്തിൽ എന്താണ് ചെയ്യാനുള്ളത്, കേരളം പിണറായി വിജയന് കിട്ടിയ സ്ത്രീധനമല്ല, നാല് വോട്ട് കിട്ടാൻ കബളിപ്പിക്കുന്നു. പൊന്നുരുക്കുന്നിടത്ത് പൂച്ചക്ക് എന്താണ് കാര്യം, കേരളത്തിലും ഇത് നടപ്പിലാകുമെന്നും ബിജെപി സംസ്ഥാന അധ്യക്ഷൻ വ്യക്തമാക്കി. അത് കളക്ടർമാർ ചെയ്തുകൊള്ളുമെന്നും മുഖ്യമന്ത്രി പേടിക്കേണ്ടെന്നും സുരേന്ദ്രൻ കൂട്ടിച്ചേർത്തു. സി എ എ നടപ്പിലാക്കുന്നതിന്റെ ഭാഗമായി സർക്കാർ കാണിക്കുന്നത് വഞ്ചനയാണെന്നും കേന്ദ്രം എന്ത് പറഞ്ഞാലും ആദ്യം നടപ്പിലാക്കുന്നത് കേരളത്തിൽ ആണെന്നും അദ്ദേഹം പറഞ്ഞു.
