ഫ്‌ളാറ്റിൻ്റെ ബാല്‍ക്കണിയില്‍ അസഭ്യവർഷവും വസ്ത്രം അഴിച്ച് നഗ്നത പ്രദര്‍ശനം നടത്തുന്നതിൻ്റേയും വീഡിയോ ഇന്നലെ മുതൽ സോഷ്യൽ മീഡിയയിൽ പ്രചരിക്കുന്നുണ്ടായിരുന്നു. വീഡിയോ പുറത്തുവന്നതിന് പിന്നാലെ നടനെതിരെ സാമൂഹിക മാധ്യമങ്ങളില്‍ വലിയ വിമര്‍ശനമാണ് ഉയർന്നത്.
വിനായകൻ നിൽക്കുന്ന ഫ്‌ളാറ്റി്റെ എതിര്‍ഭാഗത്തേക്ക് നോക്കിക്കൊണ്ടാണ് വിനായകൻ തുടര്‍ച്ചയായി അസഭ്യവർഷം നടത്തിയത്. ഇതിന് പിന്നാലെ ഉടുത്തിരുന്ന മുണ്ട് അഴിഞ്ഞുപോവുകയും നഗ്നതാ പ്രദര്‍ശനം നടത്തുകയും ചെയ്യുന്നു. ലഹരിയിൽ നിലത്ത് വീണുപോകുന്ന നടന്‍ അവിടെ കിടന്നും തെറിവിളിക്കുന്നുണ്ട്.
ഇത് ആദ്യമായിട്ടല്ല വിനായകൻ ഇത്തരം വിവാദങ്ങളിൽ പെടുന്നത്. ഫ്ളാറ്റിൽ തെറി അഭിഷേകം നടത്തുന്ന മറ്റൊരു വീഡിയോയും, ഹൈദരാബാദിലെ രാജീവ് ഗാന്ധി ഇന്‍റര്‍നാഷണല്‍ എയര്‍പോര്‍ട്ടില്‍ ഗേറ്റ് ജീവനക്കാരോട് അപമര്യാദയായി പെരുമാറിയതിനെത്തുടര്‍ന്ന് തടഞ്ഞുവെച്ചതിന് തറയില്‍ ഇരുന്ന് ആക്രോശിക്കുന്ന വീഡിയോയും വൈറലായിരുന്നു.
വിനായകൻ്റെ ഫേസ്ബുക്ക് പോസ്റ്റ്:-
“സിനിമ നടൻ എന്ന നിലയിലും
വ്യക്തി എന്ന നിലയിലും
പല വിഷയങ്ങളും കൈകാര്യം ചെയ്യാൻ
എനിക്ക് പറ്റുന്നില്ല.
എന്റെ ഭാഗത്തുനിന്നുണ്ടായ
എല്ലാ നെഗറ്റീവ് എനർജികൾക്കും
പൊതുസമൂഹത്തോട്
ഞാൻ മാപ്പ് ചോദിക്കുന്നു.
ചർച്ചകൾ തുടരട്ടെ…”