തിരുവനന്തപുരം : കേരളത്തിൽ നിന്നും പുറപ്പെടുന്ന രണ്ട് ദീർഘദൂര ട്രെയിനുകൾ നാളെ വൈകുമെന്ന് റെയിൽവേ അറിയിച്ചു. ആലപ്പുഴ-ധൻബാദ് എക്സ്പ്രസ് 22 മണിക്കൂർ വൈകുമെന്നാണ് അറിയിപ്പ്. ഇന്ന് പുറപ്പെടേണ്ടിയിരുന്ന ട്രെയിൻ, നാളെ പുലർച്ചെ 4 മണിക്കാകും പുറപ്പെടുക. ഇന്നത്തെ എറണാകുളം ജംഗ്ഷൻ-ടാറ്റാ നഗർ ബൈ വീക്കിലി എക്പ്രസ് 19 മണിക്കൂർ 45 മിനിറ്റ് വൈകും. നാളെ പുലർച്ചെ മൂന്ന് മണിക്കാകും ട്രെയിൻ പുറപ്പെടുക. പെയറിങ് ട്രെയിനുകൾ വൈകി ഓടുന്നതാണ് രണ്ട് ട്രെയിനുകളും വൈകുന്നതിന് കാരണമെന്നാണ് അറിയിച്ചിട്ടുള്ളത്.
