കോണ്ഗ്രസ് പ്രവര്ത്തകസമിതിയിലേക്ക് നാമനിര്ദ്ദേശ രീതി തുടരാൻ ധാരണയായി. പ്ലീനറി സമ്മേളനത്തിന്റെ ഭാഗമായുള്ള സ്റ്റിയറിംഗ് കമ്മറ്റിയാണ് നിര്ണായക തീരുമാനമെടുത്തത്. യോഗം തുടങ്ങിയപ്പോള് തന്നെ പാര്ട്ടി അദ്ധ്യക്ഷന് മല്ലികാര്ജുന് ഖാര്ഗെ എല്ലാ അംഗങ്ങളോടും നിലപാട് വ്യക്തമാക്കാന് ആവശ്യപ്പെട്ടു. ഭൂരിപക്ഷം അംഗങ്ങളും തെരഞ്ഞെടുപ്പ് വേണ്ടെന്ന നിലപാട് സ്വീകരിച്ചു. പി ചിദംബരം, അജയ് മാക്കന് തുടങ്ങിയ നേതാക്കള് തെരഞ്ഞടുപ്പ് നടക്കണമെന്ന നിലപാട് സ്വീകരിച്ചു. ഭൂരിപക്ഷ അഭിപ്രായം കണക്കിലെടുത്ത് തെരഞ്ഞെടുപ്പ് വേണ്ടെന്ന തീരുമാനം മല്ലികാര്ജ്ജുന് ഖാര്ഗെ പ്രഖ്യാപിക്കുകയായിരുന്നു. ലോക്സഭ തെരഞ്ഞെടുപ്പും നിയമസഭ തെരഞ്ഞെടുപ്പുകളും വരുന്ന സാഹചര്യത്തില് വീണ്ടുമൊരു മത്സരം പാര്ട്ടിയില് നടക്കുന്നത് പൊട്ടിത്തെറിയിലേക്ക് നയിച്ചേക്കുമെന്ന് ഭൂരിഭാഗം അംഗങ്ങളും വിലയിരുത്തി.
