2024ലും 2029ലും ഇന്ത്യയുടെ പ്രധാനമന്ത്രി നരേന്ദ്രമോദിയായിരിക്കുമെന്ന് പ്രതിരോധ മന്ത്രി രാജ് നാഥ് സിങ്. ജനങ്ങൾ മോദിയുടെ ഭരണത്തുടർച്ച ആഗ്രഹിക്കുന്നുവെന്ന് രാജ് നാഥ് സിങ് വ്യക്തമാക്കി. മോദി പ്രധാനമന്ത്രിസ്ഥാനം അമിത് ഷായ്ക്ക് കൈമാറുമെന്ന കെജ്രിവാളിന്റെ പ്രസ്താവന തന്നെ പരാജയം സമ്മതിക്കലാണെന്ന് രാജ്നാഥ് സിങ് പറഞ്ഞു. ബിജെപിയുടെ തീരുമാനങ്ങളെക്കാൻ കെജ്രിവാൾ ആരാണ്? മോദി തന്നെയായിരിക്കും പ്രധാനമന്ത്രിയെന്ന് ബിജെപിയുടെ പാർലമെന്ററി ബോർഡ് പ്രഖ്യാപിച്ചതാണ്. മോദിയുടെ ഭരണത്തിൽ ഇന്ത്യ ഒരു വികസിത രാജ്യമായി മാറുമെന്നും രാജ്നാഥ് സിങ് വ്യക്തമാക്കി. ഒരു മാധ്യമത്തിന് നൽകിയ അഭിമുഖത്തിൽ പ്രതിരോധ മന്ത്രി വിശദീകരിച്ചു.
ജനങ്ങളുടെ ആവശ്യങ്ങൾ നൂറുശതമാനവും നിറവേറ്റാൻ മോദി സർക്കാരിന് സാധിച്ചിട്ടുണ്ടെന്നും അതിനാൽത്തന്നെ ഭരണവിരുദ്ധ വികാരം നിലവിലില്ലെന്നും രാജ്നാഥ് സിങ് പറഞ്ഞു. എപ്പോഴെല്ലാം അവസരം കിട്ടിയിട്ടുണ്ടോ അപ്പോഴെല്ലാം ജനങ്ങളുടെ ആവശ്യം നിവർത്തിച്ചിട്ടുണ്ടെന്ന് അദ്ദേഹം കൂട്ടിച്ചേർത്തു.
കഴിഞ്ഞുപോയ നാല് റൗണ്ട് വോട്ടെടുപ്പിൽ തന്നെ ബിജെപിക്ക് ആവശ്യമായ ഭൂരിപക്ഷം ലഭിച്ചെന്ന് രാജ്നാഥ് സിങ് പറഞ്ഞു. 400 സീറ്റുകൾ നേടുമെന്ന പ്രഖ്യാപനം യാഥാർത്ഥ്യബോധത്തോടെയുള്ളതാണെന്ന് അദ്ദേഹം അവകാശപ്പെട്ടു.