ഷാര്ജ: പ്രവർത്തനമാരംഭിച്ച് ആറു വർഷങ്ങൾ വിജയകരമായി പൂർത്തിയാക്കി ഏഴാം വർഷത്തിലേക്ക് കടക്കുകയാണ് ഷാര്ജ സഫാരി മാള്. സെപ്തംബര് 4 ന് സഫാരി മാളില് വെച്ച് നടന്ന പ്രൗഢ ഗംഭീരമായ ആറാം വാര്ഷിക ചടങ്ങില് മുഖ്യതിഥികളായി ഷെയ്ഖ് സാലം ബിന് അബ്ദുറഹ്മാന് ബിന് സാലം ബിന് സുല്ത്താന് അല് ഖാസിമിയും, ഷെയ്ഖ് അര്ഹമാ ബിന് സൗദ് ബിന് ഖാലിദ് ഹൂമൈദ് അല്ഖാസിമിയും പങ്കെടുത്തു. സഫാരി ഗ്രൂപ്പ് ചെയര്മാന് അബൂബക്കര് മടപ്പാട്ട്, സഫാരി ഗ്രൂപ്പ് എക്സിക്യൂട്ടിവ് ഡയറക്ടര്മാരായ ഷമീം ബക്കര്, ഷാഹിദ് ബക്കര്, സാമൂഹ്യപ്രവര്ത്തകനായ ചാക്കോ ഊളക്കാടന് തുടങ്ങിയവരും, മറ്റു പ്രമുഖ വ്യക്തിത്വങ്ങളും, സഫാരി ജീവനക്കാരും ആഘോഷത്തില് സന്നിഹിതരായി.
കഴിഞ്ഞ ആറ് വര്ഷമായി വ്യത്യസ്ത രീതിയിലുള്ള ഷോപ്പിങ്ങ് അനുഭവം ഉപഭോക്താക്കൾക്ക് സമ്മാനിക്കാന് സഫാരിക്കായി എന്നും, ഒരു കച്ചവടസ്ഥാപനം എന്നതിലുപരി ഉപഭോക്താക്കള് നെഞ്ചിലേറ്റിയ സ്ഥാപനം ആയ സഫാരി, എന്നും ഉപഭോക്താക്കളുടെ ആവശ്യങ്ങള് നിറവേറ്റികൊണ്ട് മുന്പന്തിയില് ഉണ്ടാകുമെന്നും സഫാരി ഗ്രൂപ്പ് ചെയര്മാന് അബൂബക്കര് മടപ്പാട്ട് പറഞ്ഞു. ആറാം വാര്ഷികവും, ഓണത്തിനോടുമനുബന്ധിച്ച് ഷാര്ജയിലേയും, റാസല്ഖൈമയിലേയും സഫാരി ഔട്ട്ലെറ്റുകളില് ഒരു മാസം നീണ്ടുനില്ക്കുന്ന കലാപരിപാടികള് നടക്കുമെന്നും അദ്ദേഹം കൂട്ടിചേര്ത്തു.
2019 ല് ആരംഭിച്ച സഫാരിയെ ഇരുകൈ നീട്ടി സ്വീകരിച്ചത് യു.എ.ഇ യിലെ സ്നേഹനിധികളായ ജനങ്ങളാണ് എന്നും അതിന്റെ തെളിവാണ് 40 മില്യണോളം കസ്റ്റമേഴ്സ് സഫാരിയിടൊപ്പം നിന്ന് വിജയകരമായ 7-ആം വര്ഷത്തിലേക്ക് കടക്കുന്നത് എന്നും എക്സിക്യൂട്ടീവ് ഡയറക്ടര് ഷമീം ബക്കര് പറഞ്ഞു.
ഉപഭോക്താക്കള്ക്ക് ഷോപ്പിംഗില് ഏറ്റവും കൂടുതല് വിലക്കിഴിവ് നല്കിയതിനോടൊപ്പം, വര്ഷമുടനീളം പ്രമോഷനുകളും ഓഫറുകളും നറുക്കെടുപ്പിലൂടെ കാറുകള് ഉള്പ്പെടെ സമ്മാനങ്ങളും, ഭക്ഷ്യ-ലൈഫ്സ്റ്റെല്-ഫര്ണിച്ചര്-ഇലക്ട്രോണിക്സ് ഉത്പന്ന വൈവിധ്യങ്ങളും സഫാരിയുടെ പ്രത്യേകതകളാണ്. 2019ല് കോവിഡ് സമയത്തിന് തൊട്ടു മുന്പ് തുടങ്ങിയ സഫാരി പ്രതിസന്ധികളില് തളരാതെ വളരുകയായിരുന്നുവെന്നത്, ഗ്രൂപ് മുന്നോട്ടു വയ്ക്കുന്ന മൂല്യങ്ങളുടെ പിന്ബലത്തെ സൂചിപ്പിക്കുന്നതാണ് എന്നും ഉപഭോക്താക്കളുടെ സംതൃപ്തിയാണ് പരമ പ്രധാനം എന്നതാണ് സഫാരിയുടെ ഇന്ധനം എന്നും അധികൃതർ പറഞ്ഞു.