കൊറിയ ആസ്ഥാനമായ വൺ സോൺ ഇൻ്റർനാഷനലിൻ്റെ ഏറ്റവും പുതിയ ഷോറും ഷാർജ സഹാറ സെൻ്ററിൽ പ്രവർത്തനമാരംഭിച്ചു. ചലച്ചിത്ര താരവും ഇൻഫ്ലുവൻസറും ആർ.ജെയുമായ മിഥുൻ രമേഷും ലക്ഷ്മി മേനോനും ചേർന്ന് ഉദ്ഘാടനം നിർവഹിച്ചു. വൺ സോൺ ഇൻ്റർനാഷനൽ മാനേജിംഗ് ഡയറക്ടർ ഷിനാസ് ചടങ്ങിൽ സംബന്ധിച്ചു.
ഫാഷൻ ആക്സസ്സറീസ്, ഫേൻസി, നോവൽറ്റി, ഗിഫ്റ്റ്സ്, ജ്വല്ലറി, ഹെൽത്ത് & ബ്യൂട്ടി പ്രൊഡക്റ്റ്സ്, ഡിജിറ്റൽ ആക്സസറീസ്, കിച്ചൻ എസൻഷ്യൽസ്, സെറാമിക് വെയർ, ടോയ്സ്, ക്രിയേറ്റിവ് ഹോം കെയർ, കോസ്മെറ്റിക്സ്, ബാക്ക് റ്റു സ്കൂൾ പ്രൊഡക്ട്സ് തുടങ്ങി 8000ത്തിലധികം ഉൽപ്പന്നങ്ങൾ 3.50 ദിർഹമിന് ഇവിടെ ലഭിക്കുമെന്നാണ് അധികൃതർ അറിയിച്ചിട്ടുള്ളത്.
പുതുതായി ഏർപ്പെടുത്തിയ ‘ക്രേസി പ്രൈസ് സോണിൽ 4.99 ദിർഹം, 9.99 ദിർഹം തുടങ്ങിയ വിലകളിൽ കിഡ്സ് ഗാർമെൻ്റ്സ് ലഭിക്കുമെന്നും ദീർഘകാലം നിലനിൽക്കുന്ന ഗുണനിലവാരമുള്ള ഉൽപ്പന്നങ്ങളാണ് തങ്ങളുടേതെന്നും മാനേജിംഗ് ഡയറക്ടർ ഷിനാസ് വ്യക്തമാക്കി. ഖത്തർ, സൗദി അറേബ്യ ഉൾപ്പെടെയുള്ള ജി.സി.സി രാജ്യങ്ങളിൽ കൂടി വൺ സോൺ ഇൻറർനാഷനൽ ഉടൻ തന്നെ പ്രവർത്തനമാരംഭിക്കുമെന്ന് ഷിനാസ് വെളിപ്പെടുത്തി. വൻ ഷോപ്പിംഗ് ശ്യംഖലയുടെ പദ്ധതിയാണ് ആസൂത്രണം ചെയ്തിരിക്കുന്നത്. ഇതിലേയ്ക്ക് കൂടുതൽ ഫ്രാഞ്ചൈസികളെ ക്ഷണിക്കുകയാണെന്നും അദ്ദേഹം കൂട്ടിച്ചേർത്തു.
നിലവിൽ ദുബായിലെ അൽഗുറൈർ മാൾ, മദീന മാൾ, അബുദാബി ഡെൽമ മാൾ, അൽവാദ മാൽ, അൽ ഐൻ ബറാറി മാൾ എന്നിവിടങ്ങളിൽ വൺ സോൺ ഷോറൂമുകളുണ്ട്. ഷാർജ സഹാറ സെൻ്റർ ഷോറുമാണ് കഴിഞ്ഞ ദിവസം പ്രവർത്തനമാരംഭിച്ചത്. കഴിഞ്ഞ 6 വർഷമായി ഏറ്റവും ജനപ്രിയമായി വളർന്ന സ്റ്റോറുകളാണ് തങ്ങളുടേതെന്നും ഈ വർഷം നിരവധി പുതിയ പ്രൊജക്ടുകൾ ആരംഭിക്കാൻ ഉദ്ദേശ്യമുണ്ടെന്നും എംഡി. ഷിനാസ് പറഞ്ഞു.