താളമേളങ്ങളോടെ ‘മ്മടെ തൃശ്ശൂർ പൂരം’ വീണ്ടുമെത്തുന്നു. അഞ്ചാനയും അഞ്ച് മേളവും അഞ്ച് തരം കാവടിയുമായി അഞ്ചാമത്തെ ‘മ്മടെ തൃശ്ശൂർ പൂരം’ ദുബായിലെ എത്തിസലാത്ത് അക്കാദമിയിൽ ഡിസംബർ 2ന് അരങ്ങേറും. മ്മടെ തൃശ്ശൂർ കൂട്ടായ്മയും, ഇക്വിറ്റി പ്ലസ് അഡ്വർടൈസിങ്ങും ചേർന്നാണ് അഞ്ചാമത്തെ ‘മ്മടെ തൃശ്ശൂർ പൂരം’ ഒരുക്കുന്നത്. അഞ്ച് ആന, അഞ്ച് മേളം, അഞ്ച് കാവടി, അഞ്ചാമത്തെ പൂരം എന്ന രീതിയിൽ അഞ്ചെന്ന ആശയം ആസ്പദമാക്കിയാണ് ഈ അഞ്ചാമത്തെ പൂരം എന്ന് സംഘാടകർ പറഞ്ഞു.
പോയ വർഷങ്ങളിൽ നിന്നും വ്യത്യസ്തമായി ഇത്തവണത്തെ പൂരം ഒട്ടേറെ പ്രത്യകതകൾ നിറഞ്ഞതാണ്‌, മ്മടെ ഇത്തവണത്തെ പൂരം, 5 തരം മേളങ്ങൾ, വിവിധതരത്തിലുള്ള 5 കാവടികൾ, തലയെടുപ്പുള്ള 5 ആനകൾ, ആദ്യമായി കടൽ കടന്നുവരുന്ന ചരിത്ര പ്രസിദ്ധമായ മച്ചാട് മാമാങ്കം കുതിരയും, ഇതെല്ലം ഇത്തവണത്തെ പൂരത്തിന് വർണ്ണശോഭ നൽകുമെന്ന് മ്മടെ തൃശൂർ കൂട്ടായ്മയുടെ പ്രസിഡന്റ് അനൂപ് അനിൽ ദേവൻ അറിയിച്ചു. രാവിലെ പൂരപ്പറമ്പിൽ എത്തുന്നത് മുതൽ ഓരോ വ്യക്തിക്കും കേരളത്തിൻറെ സാംസ്കാരിക പൗരാണിക കലകളെയും ആചാരാനുഷ്ഠാനങ്ങളും അടുത്തറിയുവാനുള്ള അവസരം മ്മടെ തൃശ്ശൂർ കൂട്ടായ്മ പൂരനഗരിയിൽ ഒരുക്കിയിട്ടുണ്ടെന്നും ഓരോ പൂരസ്നേഹിയും അത് പരമാവധി ഉപയോഗപ്പെടുത്തണമെന്നും മ്മടെ തൃശൂരിനോപ്പം മ്മടെ തൃശൂർ പൂരം 2024ന്റെ സംഘാടകരായ ഇക്വിറ്റി പ്ലസ് മേധാവി ജൂബി കുരുവിള അറിയിച്ചു.
ഡിസംബർ 2 തിയ്യതി രാവിലെ 9 മണിക്ക് കൊടിയേറ്റവും തുടർന്ന് കേളി, കൊമ്പ് പറ്റ്‌, കുഴൽ പറ്റ്‌ തുടർന്ന് 150 ഇൽ പരം വാദ്യ കലാകാരൻമാർ വാദ്യ കുലപതി ചേരാനല്ലൂർ ശങ്കരൻകുട്ടി മാരാരുടെ നേതൃത്വത്തിൽ ക്ഷേത്രം വാദ്യം വിഭാഗത്തിൽ ഏറ്റവും അറിയപ്പെടുന്നതും ജനപ്രിയവുമായ പാഞ്ചാരി മേളം 5 കാലങ്ങളിലൂടെ കൊട്ടിക്കയറും. പറക്കാട് തങ്കപ്പൻ മാരാരുടെ പ്രമാണത്തിൽ തിമില, മദ്ദളം, ഇലത്താളം, ഇടക്ക എന്നീ നാല് താളവാദ്യങ്ങളും കാറ്റാടി വാദ്യമായ കൊമ്പ് എന്നിവയും ചേർന്ന് സംഗമിച്ചു ഒരുക്കുന്ന പഞ്ചവാദ്യവും ഉണ്ടാവുമെന്ന് വാദ്യ കലാകാരി കൂടിയായ മ്മടെ തൃശ്ശൂരിന്റെ സെക്രട്ടറി രശ്മി രാജേഷ് പറഞ്ഞു. തൃശ്ശൂർ പൂരത്തിന്റെ പ്രധാന ഭാഗമായ ഇലഞ്ഞിത്തറ മേളം പാറമേക്കാവിന്റെ മേള പ്രമാണിയായ കിഴക്കൂട്ട് അനിയമാരാരുടെ നേതൃത്വത്തിൽ 150 പരം വാദ്യ കലാകാരൻമാർ അണിനിരക്കും. ആദ്യമായി കടൽ കടന്നു വരുന്ന മച്ചാട് മാമാങ്ക കുതിരയും, തലയെടുപ്പുള്ള 5 റോബോട്ടിക് ഗജവീരന്മാരും 150 തിൽ പരം വർണകുടകളുടെ കുടമാറ്റവും, വിവിധ തരത്തിലുള്ള കാവടിയും, കാളകളിയും, യുഎഇയിലെ പ്രമുഖ 5 ശിങ്കാരി മേളവും, ശ്രീ കോട്ടപ്പടി സുരേന്ദ്രനും സംഘവും അവതരിപ്പിക്കുന്ന നാദസ്വരവും, കേരളത്തിലെ വിവിധ കലാരൂപങ്ങളെയുംമറ്റും കോർത്തിണക്കി അവതരിപ്പിക്കുന്ന ഘോഷയാത്രയും ഇത്തവണ പൂരത്തിന് മാറ്റ് കൂട്ടും. പിന്നണി ഗായകൻ വിധു പ്രതാപ്, അപർണ്ണ ബലമുരളി, ഐഡിയ സ്ടര് സിങ്ങർ താരം ശ്രീരാഗ് ഭരതൻ എന്നിവർ അടങ്ങിയ സംഘം അവതരിപ്പിക്കുന്ന സംഗീത നിശയും, ജെഎം 5 ഡിജെയും, യുഎയിലെ പ്രമുഖ ബാൻഡ് ആയ അഗ്നിയും പരിപാടികൾ അവതരിപ്പിക്കും.
ഖജാൻജി സജിദ് ശ്രീധരൻ, പൂരം ജനറൽ കൺവീനർമാരായ അസ്സി ചന്ദ്രൻ, സഹീർ അബ്ദുറഹ്മാൻ, ഇക്വിറ്റി പ്ലസ് സിഇഒ സുനിൽ കഞ്ചൻ, മ്മടെ തൃശൂർ കൂട്ടായ്മയുടെ വൈസ് പ്രസിഡന്റ് ജെകെ ഗുരുവായൂർ, ജോയിന്റ് സെക്രട്ടറി സുനിൽ ആലുങ്കൽ, ജോയിന്റ് സെക്രട്ടറി അനിൽ അരങ്ങത്തു, ജോയിന്റ് ട്രെഷറർ വിമല്‍ കേശവൻ, ജോയിന്റ് ട്രെഷറർ ഷാജു, മാധ്യമ വിഭാഗം തവലൻ സന്ദീപ്, ഇക്വിറ്റി പ്ലസ് മാർക്കറ്റിംഗ് മാനേജർ ഹെഡ് അബ്ദുൽ ഹക്കിം എന്നിവരും വാർത്താ സമ്മേളനത്തിൽ പങ്കെടുത്തു. കൂടുതൽ വിവരങ്ങൾക്ക് ബന്ധപ്പെടുക. 055 5484210 /058 5365900 വാർത്താസമ്മേളനത്തിൽ അറിയിച്ചു.