ദുബൈ കേന്ദ്രമായുള്ള മലയാളി ബിസിനസ് നെറ്റ് വർക്കായ ഇന്റർനാഷണൽ പ്രമോട്ടേഴ്സ് അസോസിയേഷൻ ( ഐപിഐ) ഓഫീസ് തുറന്നു. അൽ ഖിസൈസ് രണ്ടിൽ ബിൻ അൽത്താനി ബിൽഡിങ്ങിലാണ് പുതിയ ഓഫീസ്. വ്യവസായിയും എസ്‌എഫ്സി ഗ്രുപ്പ് ചെയർമാനുമായ മുരളീധരൻ ഓഫീസ് ഉദ്ഘാടനം ചെയ്തു. ഐപിഎ ചെയർമാൻ സൈനുദ്ദീൻ ഹോട്ട്പാക്ക്, ഫൗണ്ടർമാരായ എ കെ ഫൈസൽ, ഷാഫി അൽ മുർഷിദി, വൈസ് ചെയർമാൻ റിയാസ് കിൽട്ടൻ, മുൻ ചെയർമാൻ വി കെ ഷംസുദ്ദീൻ, ഡയറക്ടർ ബോർഡ് അംഗങ്ങൾ, എക്സിക്യൂട്ടീവ് മെമ്പർമാർ,സംരംഭക ഉപഭോക്താക്കൾ അടക്കം നിരവധി പേർ ചടങ്ങിൽ സംബന്ധിച്ചു
സംരംഭകർക്ക് കൂടുതൽ മെച്ചപ്പെട്ട അവസരങ്ങളും സാധ്യതകളും ലഭ്യമാവുമെന്നും സംരംഭകരെ ശാക്തീകരിക്കുന്നതിൽ ബിസിനസ് നെറ്റ് വർക്കുകൾക്ക് ഏറെ പങ്കുവഹിക്കാൻ കഴിയുമെന്നും എസ്‌എഫ്സി ചെയർമാൻ മുരളീധരൻ പറഞ്ഞു. ഏതാണ്ട് 200ലധികം സംരംഭക- ഉപഭോക്താക്കൾ ഐപിഎയിലുണ്ട്. കഴിഞ്ഞകാലങ്ങളിലായി സംരംഭകരുടെയും പ്രൊഫഷണലുകളുടെയും തുടർച്ചയായ വളർച്ചയെ പ്രോത്സാഹിപ്പിക്കുന്നതിന് ലക്ഷ്യമിട്ടുള്ള എന്റർപ്രൈസ് വെബിനാറുകൾ, ബിസിനസ് മീറ്റുകൾ, സെമിനാറുകൾ, ശിൽപ്പശാലകൾ, പ്രദർശനങ്ങൾ, വിജയിതരായ സംരംഭകരുടെ പ്രചോദ സദസ്സുകൾ, പരസ്പര നെറ്റ്‌വർക്കിംഗ്, നിക്ഷേപാവസരങ്ങൾ അടക്കം ഈ മേഖലയിലുള്ളവർക്ക് ഗുണകരമായ സേവന സർവീസുകൾ ഐപിഎ സംഘടിപ്പിച്ചിട്ടുണ്ട്.
ഐപിഎ അതിന്റെ ശൃംഖല ശക്തിപ്പെടുത്തുന്നത് തുടരുമ്പോൾ, സേവനങ്ങൾ വിപുലീകരിക്കാനും യുഎഇക്ക് പുറത്തുള്ള മലയാളി സംരംഭകരുടെ വളർച്ചയെ പ്രോത്സാഹിപ്പിക്കാനും ലക്ഷ്യമിടുന്നുണ്ട് . കൂടുതൽ സംരംഭകർക്ക് അസോസിയേഷന്റെ വൈദഗ്ധ്യവും പിന്തുണയും പ്രയോജനപ്പെടുത്താൻ അനുവദിക്കുന്ന തരത്തിൽ വിവിധ രാജ്യങ്ങളിലെ പ്രധാന ബിസിനസ്സ് ഹബ്ബുകളിൽ- ചാപ്റ്ററുകൾ സ്ഥാപിക്കാനുള്ള പദ്ധതികൾ ആലോചനയിലുണ്ടെന്ന് ചെയർമാൻ സൈനുദ്ദീൻ ഹോട്ട്പാക്ക് പറഞ്ഞു .