ലോകത്തിലെ ഏറ്റവുംവലിയ ട്രാവൽ ഗൈഡൻസ് പ്ലാറ്റ്ഫോമായ ട്രിപ് അഡ്വൈസർ പ്രഖ്യാപിച്ച ‘ട്രാവലേഴ്സ് ചോയ്സ് ബെസ്റ്റ് ഓഫ് ദി ബെസ്റ്റ് ഡെസ്റ്റിനേഷൻ അവാർഡ് 2023’ പ്രകാരമാണ് ലോകത്തിന്റെ പ്രിയപ്പെട്ട വിനോദസഞ്ചാരകേന്ദ്രമായി ദുബായിയെ തിരഞ്ഞെടുത്തത്. തുടർച്ചയായ രണ്ടാംവർഷമാണ് ഈ സ്ഥാനം ദുബായിക്ക് ലഭിക്കുന്നത്. നേട്ടം കരസ്ഥമാക്കിയതിന്റെ ആഘോഷങ്ങളുടെ ഭാഗമായി ദുബായിൽ നടക്കുന്ന പ്രത്യേകഡ്രോൺ ഷോ 29 വരെ നീണ്ടുനിൽക്കുമെന്ന് സംഘാടകർ അറിയിച്ചു. ജുമൈര, ദി ബീച്ച് എന്നിവിടങ്ങളിലായി നടക്കുന്ന ഡ്രോൺ ഷോ കാണാൻ നിരവധി ആളുകളാണ് എത്തിക്കൊണ്ടിരിക്കുന്നത്. അടുത്തിടെ ആരംഭിച്ച ദുബായ് ഇക്കണോമിക് അജണ്ട ഡി 33-നെ പിന്തുണയ്ക്കുന്നതാണ് ഈ അംഗീകാരം.
ലോകമെമ്പാടുമുള്ള ലക്ഷക്കണക്കിന് സഞ്ചാരികൾ ചേർന്നാണ് ട്രിപ്അഡ്വൈസർ ട്രാവലേഴ്സ് ചോയ്സ് അവാർഡ് ജേതാക്കളെ തിരഞ്ഞെടുത്തത്. 2021 നവംബർ ഒന്നുമുതൽ 2022 ഒക്ടോബർ 31 വരെയുള്ള അവലോകനങ്ങളുടെയും യാത്രക്കാരിൽനിന്നുള്ള റേറ്റിങ്ങുകളുടെയും അടിസ്ഥാനത്തിലാണ് ഈ അവാർഡ് നിർണ്ണയിക്കുന്നത്.