ജു​മൈ​റ​യി​ൽ ഡ്രൈ​വ​റി​ല്ലാ കാ​ർ പ​രീ​ക്ഷ​ണ​യോ​ട്ടം ആ​രം​ഭി​ച്ചു

ദു​ബൈ- ജു​മൈ​റ​യി​ൽ ഡ്രൈ​വ​റി​ല്ലാ കാ​ർ പ​രീ​ക്ഷ​ണ​യോ​ട്ടം ആ​രം​ഭി​ച്ചു. നേ​ര​ത്തെ ടെ​സ്റ്റ്​ ട്രാ​ക്കു​ക​ളി​ൽ പ​രീ​ക്ഷ​ണ​യോ​ട്ടം ന​ട​ത്തി​യ​ത്​ വി​ജ​യ​ക​ര​മാ​യ​തി​നെ തു​ട​ർ​ന്നാ​ണ്​ സു​ര​ക്ഷാ ഡ്രൈ​വ​റു​ടെ സാ​ന്നി​ധ്യ​ത്തി​ൽ റോ​ഡു​ക​ളി​ൽ പ​രീ​ക്ഷ​ണം ന​ട​ത്തി​യി​രി​ക്കു​ന്ന​ത്. റോ​ഡ്​ ഗ​താ​ഗ​ത അ​തോ​റി​റ്റി(​ആ​ർ.​ടി.​എ)​യും സെ​ൽ​ഫ് ഡ്രൈ​വി​ങ് ടെ​ക്​​നോ​ള​ജി ക​മ്പ​നി​യാ​യ ക്രൂ​സും ചേ​ർ​ന്നാ​ണ്​ ആ​ദ്യ​ഘ​ട്ട​ത്തി​ലെ പ​രീ​ക്ഷ​ണം തു​ട​ങ്ങി​യ​ത്.

ലോ​ക​ത്തെ ഏ​റ്റ​വും പു​തി​യ ഗ​താ​ഗ​ത സാ​​ങ്കേ​തി​ക മി​ക​വു​ക​ൾ ദു​ബൈ​യി​ൽ ന​ട​പ്പി​ലാ​ക്കു​ന്ന​തി​ന്‍റെ ഭാ​ഗ​മാ​യാ​ണ്​ മേ​ഖ​ല​യി​ലെ ആ​ദ്യ ഓ​ട്ടോ​ണ​മ​സ്​ വെ​ഹി​ക്കി​​ൾ പ​ദ്ധ​തി ന​ഗ​ര​ത്തി​ലെ​ത്തു​ന്ന​ത്. ദു​ബൈ​യി​ലെ താ​മ​സ​ക്കാ​ർ​ക്കും വി​നോ​ദ​സ​ഞ്ചാ​രി​ക​ൾ​ക്കും സ​ന്ദ​ർ​ശ​ക​ർ​ക്കും ഉ​പ​യോ​ഗി​ക്കാ​വു​ന്ന ത​ര​ത്തി​ലാ​കും ഡ്രൈ​വ​റി​ല്ലാ കാ​ർ സ​ഞ്ച​രി​ക്കു​ക. 2030ഓ​ടെ മൊ​ത്തം വാ​ഹ​ന​ങ്ങ​ളു​ടെ 25 ശ​ത​മാ​നം സ്വ​യം നി​യ​ന്ത്രി​ത വാ​ഹ​ന​ങ്ങ​ളാ​ക്കാ​നു​ള്ള ദു​ബൈ​യു​ടെ ല​ക്ഷ്യ​ത്തി​ന്റെ ഭാ​ഗ​മാ​ണ് പ​ദ്ധ​തി ന​ട​പ്പി​ലാ​ക്കു​ന്ന​ത്.

ക്രൂ​സ്​ ക​മ്പ​നി നേ​ര​ത്തെ അ​മേ​രി​ക്ക​യി​ൽ ഡ്രൈ​വ​റി​ല്ലാ വാ​ഹ​ന​ങ്ങ​ൾ നി​ര​ത്തി​ലി​റ​ക്കി വി​ജ​യി​പ്പി​ച്ചി​ട്ടു​ണ്ട്. ഡ്രൈ​വ​റി​ല്ലാ വാ​ഹ​ന​ങ്ങ​ളു​ടെ പ​രീ​ക്ഷ​ണ​യോ​ട്ട​ത്തി​ന്​ ദു​ബൈ​യി​ൽ ആ​ദ്യ​മാ​യി അ​നു​മ​തി ല​ഭി​ച്ച ക​മ്പ​നി​യാ​ണ്​ ക്രൂ​സ്. സാ​ൻ ഫ്രാ​ൻ​സി​സ്​​കോ​യി​ൽ ന​ട​പ്പി​ലാ​ക്കി​യ പ​ദ്ധ​തി ആ​ർ.​ടി.​എ അ​ധി​കൃ​ത​ർ നേ​രി​ട്ട്​ വി​ല​യി​രു​ത്തി​യി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ ദു​ബൈ​യി​ൽ പ​ദ്ധ​തി ന​ട​പ്പി​ലാ​ക്കു​ന്ന​ത്​ വി​ജ​യ​ക​ര​മാ​കു​മെ​ന്ന വി​ല​യി​രു​ത്ത​ലി​ലാ​ണ്​ പ​രീ​ക്ഷ​ണ​ത്തി​ന്​ തു​ട​ക്കം​കു​റി​ച്ചി​രി​ക്കു​ന്ന​ത്.