ഷാർജയിൽ കു​ട്ടി​ക​ളു​ടെ വാ​യ​നോ​ത്സ​വ​ത്തി​ന്​ പ്രൗ​ഢ​മാ​യ തു​ട​ക്കം

16-മ​ത്​ ഷാ​ർ​ജ അ​ന്താ​രാ​ഷ്ട്ര കു​ട്ടി​ക​ളു​ടെ വാ​യ​നോ​ത്സ​വ​ത്തി​ന് ഷാ​ർ​ജ എ​ക്സ്​​പോ സെ​ന്‍റ​റി​ൽ തുടക്കമായി. യു.​എ.​ഇ സു​പ്രീം കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​യു​മാ​യ ഷെയ്ഖ്​ ഡോ. ​സു​ൽ​ത്താ​ൻ ബി​ൻ മു​ഹ​മ്മ​ദ്​ അ​ൽ ഖാ​സി​മി കു​ട്ടി​ക​ളു​ടെ വാ​യ​നോ​ത്സ​​വം ഉ​ദ്​​ഘാ​ട​നം ചെ​യ്തു. ഷാ​ർ​ജ ഉ​പ​ഭ​ര​ണാ​ധി​കാ​രി​യും ഷാ​ർ​ജ ബു​ക്ക്​ അ​തോ​റി​റ്റി (എ​സ്.​ബി.​എ) ചെ​യ​ർ​പേ​ഴ്​​സ​നു​മാ​യ ഷെയ്‌ഖ ബു​ദൂ​ർ അ​ൽ ഖാ​സി​മി, ആ​രോ​ഗ്യ, പ്ര​തി​രോ​ധ വ​കു​പ്പ്​ മ​ന്ത്രി അ​ബ്​​ദു​ർ​റ​ഹ്മാ​ൻ ബി​ൻ മു​ഹ​മ്മ​ദ്​ അ​ൽ ഉ​വൈ​സ്, ഈ​ജി​പ്ത്​ സാം​സ്കാ​രി​ക മ​ന്ത്രി ഡോ. ​അ​ഹ്മ​ദ്​ ഫു​ആ​ദ്​ ഹാ​നോ, ഷാർജയിലെ പ്രമുഖ സാംസ്കാരിക, വിദ്യാഭ്യാസ സ്ഥാപനങ്ങളുടെ തലവന്മാരും, എഴുത്തുകാർ, മറ്റ് പ്രമുഖർ, ബാലസാഹിത്യത്തിലെ വിദഗ്ധർ തു​ട​ങ്ങി​യ​വ​ർ ഉ​ദ്​​ഘാ​ട​ന ച​ട​ങ്ങി​ൽ പ​​ങ്കെ​ടു​ത്തു. ഫെസ്റ്റിവലിൽ ഷാർജ ഭരണാധികാരിയുടെ പരിപാടികളെയും സംരംഭങ്ങളെയും കുറിച്ച് നിരവധി പവലിയനുകൾ ഹിസ് ഹൈനസ് സന്ദർശിച്ചു. യുവതലമുറയിൽ വായനാ സംസ്കാരം വളർത്തിയെടുക്കുന്നതിൽ ശ്രദ്ധ കേന്ദ്രീകരിച്ചുള്ള അവരുടെ പരിപാടികളെയും സംരംഭങ്ങളെയും കുറിച്ച് അദ്ദേഹം വിശദീകരിച്ചു. ഷാ​ർ​ജ എ​ക്സ്​​പോ സെ​ന്‍റ​റി​ൽ ഷാ​ർ​ജ ബു​ക്ക്​ അ​തോ​റി​റ്റി സം​ഘ​ടി​പ്പി​ക്കു​ന്ന കു​ട്ടി​ക​ളു​ടെ വാ​യ​നോ​ത്സ​​വം 12 ദി​വ​സം നീണ്ടുനിൽക്കും.

പു​സ്ത​കോ​ത്സ​വ​ത്തി​ന്‍റെ 17-മ​ത്​ എ​ഡി​ഷ​ൻ അ​വാ​ർ​ഡ്​ പ്ര​ഖ്യാ​പ​ന​വും ഷെയ്ഖ്​ ഡോ. ​സു​ൽ​ത്താ​ൻ നടത്തി. ഷാ​ർ​ജ ചി​ൽ​ഡ്ര​ൻ​സ്​ ബു​ക്ക്​ അ​വാ​ർ​ഡു​ക​ളും അ​ദ്ദേ​ഹം സ​മ്മാ​നി​ച്ചു. മൂ​ന്നു വി​ഭാ​ഗ​ങ്ങ​ളി​ലാ​യി 20,000 ദി​ർ​ഹം വീ​ത​മാ​ണ്​ വി​ജ​യി​ക​ൾ​ക്ക്​ സ​മ്മാ​നി​ച്ച​ത്. ഷാ​ർ​ജ ചി​ൽ​ഡ്ര​ൻ​സ് ബു​ക്ക്​ ഇ​ല്ല​സ്​​ട്രേ​ഷ​ൻ എ​ക്സി​ബി​ഷ​ൻ അ​വാ​ർ​ഡും ച​ട​ങ്ങി​ൽ സു​ൽ​ത്താ​ൻ സ​മ്മാ​നി​ച്ചു.​ അറബി ബാല സാഹിത്യത്തിനുള്ള അന്താരാഷ്ട്ര അവാർഡിന്റെ പുതുതായി രൂപകൽപന ചെയ്ത വെബ്‌സൈറ്റ് അദ്ദേഹം ഉദ്ഘാടനം ചെയ്തു. ഫെസ്റ്റിവലിൽ ഷാർജ ഭരണാധികാരിയുടെ പരിപാടികളെയും സംരംഭങ്ങളെയും കുറിച്ച് നിരവധി പവലിയനുകൾ ഹിസ് ഹൈനസ് സന്ദർശിച്ചു. യുവതലമുറയിൽ വായനാ സംസ്കാരം വളർത്തിയെടുക്കുന്നതിൽ ശ്രദ്ധ കേന്ദ്രീകരിച്ചുള്ള അവരുടെ പരിപാടികളെയും സംരംഭങ്ങളെയും കുറിച്ച് അദ്ദേഹം വിശദീകരിച്ചു.

12 ദി​വ​സ​ങ്ങ​ളി​ലാ​യി ന​ട​ക്കു​ന്ന മേ​ള​യി​ൽ 600ലേ​റെ ശി​ൽ​പ​ശാ​ല​ക​ളും സാം​സ്കാ​രി​ക പ​രി​പാ​ടി​ക​ളും അ​ര​ങ്ങേ​റും. 22 രാ​ജ്യ​ങ്ങ​ളി​ൽ​നി​ന്നാ​യി 122 അ​റ​ബ്- അ​ന്താ​രാ​ഷ്ട്ര പു​സ്ത​ക പ്ര​സാ​ദ​ക​രാ​ണ്​ മേ​ള​യി​ൽ പ്ര​ദ​ർ​ശ​ന​ത്തി​നെ​ത്തി​യി​രി​ക്കു​ന്ന​ത്. 70 രാ​ജ്യ​ങ്ങ​ളി​ൽ​നി​ന്നാ​യി 133 അ​തി​ഥി​ക​ളും 10,24 പ​രി​പാ​ടി​ക​ളി​ലാ​യി പ​​​ങ്കെ​ടു​ക്കും. കൂ​ടാ​തെ രാ​ജ്യാ​ന്ത​ര എ​ഴു​ത്തു​കാ​രും ചി​ന്ത​ക​രും ഉ​ൾ​പ്പെ​ടെ 50ലേ​റെ പ്ര​ഗ​ല്ഭ​ർ ന​യി​ക്കു​ന്ന 50ല​ധി​കം ശി​ൽ​പ​ശാ​ല​ക​ളു​മു​ണ്ടാ​കും.

വായനോത്സവത്തിലേക്ക് സ്കൂ​ൾ വി​ദ്യാ​ർ​ഥി​ക​ൾ​ക്ക്​ പ്ര​ത്യേ​ക സ​മ​യം അ​നു​വ​ദി​ച്ചി​ട്ടു​ണ്ട്. പ്ര​വേ​ശ​നം സൗ​ജ​ന്യ​മാ​ണ്. മേ​യ്​ നാ​ലി​ന്​ വായനോത്സനം സ​മാ​പി​ക്കും. തി​ങ്ക​ൾ മു​ത​ൽ വ്യാ​ഴം വ​രെ രാ​വി​ലെ ഒ​മ്പ​തു മു​ത​ൽ രാ​ത്രി എ​ട്ടുമണിവരെയും വെ​ള്ളി​യാഴ്ച വൈ​കീ​ട്ട്​ നാ​ലു മു​ത​ൽ രാ​ത്രി ഒ​മ്പ​തുമണിവരെയും ശ​നി, ഞാ​യ​ർ ദി​വ​സ​ങ്ങ​ളി​ൽ രാ​വി​ലെ ഒ​മ്പ​തു മു​ത​ൽ രാ​ത്രി ഒ​മ്പ​തു വ​രെ​യു​മാ​ണ്​ സ​ന്ദ​ർ​ശ​ന സ​മ​യം.