അറക്കൽ ഗോൾഡ് ആൻഡ് ഡയമണ്ട്സ് ഏറ്റവും വലിയ ഷോറൂം 2025 ഏപ്രിൽ 27ന് ഷാർജയിലെ സഫാരി മാളിൽ തുറക്കുന്നു. ഇതോടനുബന്ധിച്ച് 2025ലേയ്ക്ക് മാത്രമായുള്ള 500 കിലോയിലധികം പുതിയ ഗോൾഡ് ഡിസൈനുകൾ അറക്കൽ ഗോൾഡ് & ഡയമണ്ട്സ് അവതരിപ്പിക്കും.
ഏറെ ആകർഷണീയമായ ആഭരണങ്ങളാണ് പുതിയ ശേഖരങ്ങളിലുള്ളതെന്ന് അറക്കൽ ഗോൾഡ് ആൻഡ് ഡയമണ്ട്സ് ചെയർമാൻ തൻവീർ സി.പി ദുബായിൽ നടത്തിയ വാർത്താ സമ്മേളനത്തിൽ പറഞ്ഞു. 2025 ഓഗസ്റ്റിൽ അറക്കൽ ഗോൾഡ് ആൻഡ് ഡയമണ്ട്സിന്റെ പുതിയ ഷോറൂം അബൂദബിയിൽ തുറക്കും. വർഷാവസാനത്തോടെ ഒമാൻ, സൗദി അറേബ്യ, ഖത്തർ എന്നിവിടങ്ങളിൽ കൂടി സ്റ്റോറുകൾ തുറന്ന് ജി.സി.സിയിലുടനീളം വിപുലീകരണത്തിന് ബ്രാൻഡ് തയാറെടുക്കുകയാണ്. 2026ൽ യൂറോപ്യൻ വിപണിയിലേക്ക് പ്രവേശിക്കും. ഉപഭോക്താക്കൾക്കായി മികച്ച ആഭരണ അനുഭവമാണ് തങ്ങൾ സമ്മാനിക്കുന്നതെന്ന് മാനേജിംഗ് ഡയറക്ടർ താഹിർ മുഹമ്മദ് പറഞ്ഞു. സ്വർണം, വജ്രം, അമൂല്യ രത്നക്കല്ലുകൾ എന്നിവയുടെ അസാധാരണ രൂപകല്പനകൾ നല്ല സേവനത്തിലൂടെയും ഏറ്റവും മികച്ച മൂല്യത്തോടെയും ഷാർജ സഫാരി ഷോറൂമിലൂടെ അനുഭവിക്കാനാകുമെന്നും ഉദ്ഘാടനത്തോടനുബന്ധിച്ച് പ്രത്യേക ഓഫറുകളും സമ്മാനങ്ങളുമുണ്ടാകുമെന്നും അദ്ദേഹം കൂട്ടിച്ചേർത്തു.