സംസ്ഥാനത്തെ സ്വർണവില കൈപൊള്ളുന്ന റെക്കോർഡ് ഉയരത്തിലേക്ക് കടന്നിരിക്കുകയാണ്. 58000 രൂപയും കടന്ന് കുതിക്കുകയാണ് സ്വർണവില. ഇന്നലെ മാത്രം പവന് 320 രൂപയാണ് വർദ്ധിച്ചിരുന്നത്. നിരക്കുകളിൽ മാറ്റമില്ലാതെ തുടരുന്നതിനാൽ 58, 240 എന്ന സർവ്വകാല റെക്കോർഡിൽ തന്നെയാണ് ഇന്നും വിൽപന നടക്കുക. ഒരു ഗ്രാം സ്വർണത്തിന് ഇന്ന് 7280 രൂപയാണ് നൽകേണ്ടത്. വെള്ളിയാഴ്ച പവന് 640 രൂപയാണ് വർദ്ധിച്ചിരുന്നത്.
ഒക്ടോബർ 4,5, 6, 12,13, 14 തീയതികളിൽ 56, 960 രൂപയായിരുന്നു സ്വർണവില. പിന്നീട് ഒക്ടോബർ 16നാണ് വില 57000 കടന്നത്. അതേസമയം ഒക്ടോബർ 10ന് രേഖപ്പെടുത്തിയ 56,200 രൂപയാണ് ഈ മാസത്തെ ഏറ്റവും കുറഞ്ഞ നിരക്ക്. ഈ മാസം ഇതുവരെ ഗ്രാമിന് 7000 രൂപയ്ക്ക് മുകളിലാണ് വിലയെന്നതും ശ്രദ്ധേയമാണ്.
നേരിയ തോതിൽ വ്യത്യസങ്ങൾ ഉണ്ടായിട്ടുണ്ടെങ്കിലും സെപ്റ്റംബർ 2 മുതൽ 5 വരെയാണ് മാസത്തെ ഏറ്റവും താഴ്ന്ന നിരക്ക് രേഖപ്പെടുത്തിയത്. എന്നാൽ അവസാന ആഴ്ചകളിലേയ്ക്കെത്തുമ്പോൾ മാസത്തെ ഏറ്റവും നിരക്കാണ് സ്വർണം രേഖപ്പെടുത്തിയത്.