തീരം തൊട്ട് ചരിത്രമെഴുതി, ആദ്യ കപ്പൽ വിഴിഞ്ഞത്തെത്തി

രാജ്യത്തെ ആദ്യ സെമി ഓട്ടോമേറ്റഡ് കണ്ടെയ്‌നർ തുറമുഖമായ വിഴിഞ്ഞത്ത് ആദ്യ കപ്പൽ തീരമണഞ്ഞു. വിഴിഞ്ഞം അന്താരാഷ്ട്ര തുറമുഖത്തിന് ഇന്ന് ആദ്യ മദർഷിപ്പ് എത്തി. മെഴ്‌സ്‌കിൽ നിന്നുള്ള ആദ്യത്തെ കണ്ടെയ്‌നർ കപ്പലിനെ വാട്ടർ സല്യൂട്ട് നൽകി വരവേറ്റു. SFL കോർപ്പറേഷൻ ലിമിറ്റഡിൻ്റെ ഉടമസ്ഥതയിലുള്ളതും ഡെന്മാർക്കിലെ Maersk- (AP Moller Group) ചാർട്ടേഡ് ചെയ്തത ആദ്യത്തെ കണ്ടെയ്‌നർ കപ്പൽ ‘സാൻ ഫെർണാണ്ടോ’ രാവിലെ 7 മണിയോടെ തുറമുഖത്തിന്റെ ഔട്ടർ ഏരിയയിൽ എത്തി, പിന്നീട് 9:50 ഓടെ വാട്ടർ സല്യൂട്ട് നൽകി സ്വീകരിച്ചു. 800 മീറ്റർ കണ്ടെയ്‌നർ ബെർത്തിൽ ട്രയൽ റണ്ണിന്റെ ഭാഗമായാണ് ആദ്യ കപ്പൽ എത്തിയത്. 8000-9000 ടിഇയു (ഇരുപത് അടിക്ക് തുല്യമായ യൂണിറ്റ്) ശേഷിയുള്ള ചൈനയിലെ സിയാമെൻ തുറമുഖത്ത് നിന്നുള്ള എംവി സാൻ ഫെർണാണ്ടോ എന്ന കപ്പൽ ഏകദേശം 2000 കണ്ടെയ്നറുകൾ ഇറക്കുകയും 400 കണ്ടെയ്നറുകൾ വീണ്ടും ക്രമീകരിക്കുകയും ചെയ്യും.

എസ്പിവി അദാനി വിഴിഞ്ഞം പോർട്ട് പ്രൈവറ്റ് ലിമിറ്റഡ് (എവിപിപിഎൽ) രൂപീകരിച്ചതിന് ശേഷം, പിപിപി മോഡിലൂടെ കേരള സർക്കാർ അദാനി ഗ്രൂപ്പുമായി ചേർന്ന് നടപ്പിലാക്കിയ 7500 കോടി രൂപയുടെ പദ്ധതിയാണിത്. എവിപിപിഎൽ 2015 ഓഗസ്റ്റ് 17 ന് കേരള തുറമുഖ വകുപ്പുമായി ഒരു കൺസഷൻ കരാറിൽ ഏർപ്പെടുകയും, 2015 ഡിസംബർ 5 ന് നിർമ്മാണ പ്രവർത്തനങ്ങൾ ആരംഭിക്കുകയും ചെയ്തു. മൊത്തം പദ്ധതിച്ചെലവിൽ ഏകദേശം 4500 കോടി രൂപ അദാനി ഗ്രൂപ്പ് ഇതുവരെ നിക്ഷേപിച്ചിട്ടുണ്ട്. 2028-നുള്ളിൽ പൂർത്തീകരിക്കാൻ ഫേസ് II, III പദ്ധതികളിലായി 9500 കോടി രൂപയുടെ നിക്ഷേപം കമ്പനി നീക്കിവച്ചതായി ഔദ്യോഗിക വൃത്തങ്ങൾ അറിയിച്ചു.

ഈ തുറമുഖം യാഥാർഥ്യമാകുന്നതോടെ രാജ്യത്തെ കണ്ടെയ്‌നർ ബിസിനസിന്റെ കേന്ദ്രമായി കേരളം മാറുമെന്ന് മുഖ്യമന്ത്രി പറഞ്ഞു. വ്യവസായം, വാണിജ്യം, ഗതാഗതം, ടൂറിസം എന്നീ മേഖലകളിലെ വൻ വികസനത്തിനും അതുവഴി സംസ്ഥാനത്തിൻ്റെ മൊത്തത്തിലുള്ള സാമ്പത്തിക വളർച്ചയ്ക്കും വിഴിഞ്ഞം തുറമുഖം ഒരു മുതൽക്കൂട്ടാകും. ഇത് യാഥാർത്ഥ്യമാക്കാൻ സർക്കാരും ജനങ്ങളും ഒന്നിക്കുന്ന സ്വപ്നമാണ്,” അദ്ദേഹം പങ്കുവെച്ചു.

തുറമുഖത്തിൻ്റെ ഭാഗമായി 5000-ത്തിലധികം നേരിട്ടുള്ള തൊഴിലവസരങ്ങൾ സൃഷ്ടിക്കപ്പെടുമെന്നാണ് പ്രതീക്ഷിക്കുന്നത്. വിഴിഞ്ഞം തുറമുഖത്തിൻ്റെ കരാർ ഒപ്പിട്ടത് 2015 ഓഗസ്റ്റ് 17-നായിരുന്നു. അതേ വർഷം ഡിസംബറിൽ നിർമ്മാണ പ്രവർത്തനങ്ങൾ ആരംഭിച്ചു. 8867 കോടി രൂപയാണ് വിഴിഞ്ഞം തുറമുഖത്തിന് ആകെയുള്ള നിക്ഷേപം. ഇതിൽ 5595 കോടി സംസ്ഥാന സർക്കാരും 818 കോടി കേന്ദ്ര സർക്കാരും ബാക്കി അദാനി ഗ്രൂപ്പുമാണ് വഹിക്കുന്നത്.

രാജ്യത്തെ ആദ്യ ട്രാൻസ്ഷിപ്മെൻ്റ് തുറമുഖമായി വിഴിഞ്ഞം മാറി. ലോകത്തിലെ തന്നെ രണ്ടാമത്തെ വലിയ കപ്പൽ കമ്പനിയായ എംഎസ്സിയുടെ ഏറ്റവും വലിയ കപ്പലാണ് വിഴിഞ്ഞത്ത് ഇന്നെത്തുന്നത്. ലോകത്തിലെ ഏത് തുറമുഖത്തേയും വെല്ലുവിളിക്കാൻ ശേഷിയുള്ള തുറമുഖത്തിന് 20 മീറ്റർ ആഴമാണുള്ളത്. ഏത് പടുകൂറ്റൻ കപ്പലിലും ഇവിടേയ്ക്കെത്തി നങ്കൂരമിടാൻ സാധിക്കും.