ദുബായ് ഗ്ലോബൽ വില്ലേജിലെ ആഫ്രിക്കൻ പവലിയൻ സന്ദർശകരെ ഏറെ ആകർഷിക്കുന്ന പവലിയൻ ആണ് . കരകൗശലവസ്തുക്കൾക്കും തുകൽ ഉത്പന്നങ്ങൾക്കും എല്ലാം പണ്ടേ പ്രശസ്തമാണ് ആഫ്രിക്ക. ഗ്ലോബൽ വില്ലേജിലെ ഈ ആഫ്രിക്കൻ പവിവിയനിൽ എത്തിയാൽ ഏതോ ആഫ്രിക്കാൻ രാജ്യത്തു എത്തിയ പ്രതീതിയാണ്. വ്യത്യസ്ത ഉത്പന്നങ്ങൾ പ്രദർശിപ്പിച്ചുകൊണ്ട് അനവധി സ്റ്റാളുകൾ ഇവിടെ ഉണ്ട്. കരകൗശലവസ്തുക്കളുടെ ഒരു വലിയ ശേഖരം തന്നെ ഇവിടെ ഒരുക്കിയിട്ടുണ്ട്.
മനോഹരമാണ് ഓരോ വസ്തുക്കളും. ആഫ്രിക്കന്‍ രാജ്യങ്ങളിലെ പാരമ്പരാഗതവസ്ത്രങ്ങള്‍, മൃഗവേട്ടക്കായി ഉപയോഗിച്ചിരുന്ന ആയുധങ്ങള്‍, മാസ്‌കുകള്‍ എല്ലാം ഈ സ്റ്റാളുകളിൽ ഉണ്ട്. ഒറിജിനൽ ലെതർ ചെരിപ്പുകൾ ബാഗുകൾ , പഴ്സുകൾ തുടങ്ങിയവയുടെ വലിയ ശേഖരം തന്നെയുണ്ട്. മുറികൾ അലങ്കരിക്കുന്ന ശിൽപങ്ങൾ, മുതൽ ചണം ഉപയോഗിച്ചു കൈകൊണ്ടു നിർമിച്ച ബാഗുകൾ, തടിയിലും തുണിയിലും നിർമിച്ച ഹാൻഡ് ബാഗുകൾ എന്നിവയും ഇവിടെ കാണാം.മൃഗങ്ങളുടെ കൊമ്പുകള്‍, മരങ്ങള്‍, തുടങ്ങിയ കൊണ്ട് നിര്‍മ്മിച്ചിരിക്കുന്ന വിവിധ വസ്തുക്കളും വീട്ടുപകരണങ്ങളും കളിപ്പാട്ടങ്ങളും ആഫ്രിക്കന്‍ പവലിയനില്‍ മാത്രമുള്ള ഒരു കാഴ്ചയാണ്. തടിയിൽ തീർത്ത വിവിധ തരത്തിലുള്ള പാത്രങ്ങൾ,സ്പൂണുകൾ, തവികൾ ഉൾപ്പെടെ മൃഗങ്ങളുയുടെ വലിയ രൂപങ്ങൾ വരെ ഇവിടെ വില്പനക്കായി എത്തിച്ചിട്ടുണ്ട്.
ആഫ്രിക്കയിൽ നിന്നുള്ള ഒറിജിനൽ ഷിയാ ബട്ടർ ലോക പ്രശസ്തമാണല്ലോ. ഒട്ടും മായം ചേർക്കാത്ത സൗന്ദര്യ വസ്തുക്കൾആണ് ഇവിടെ കൊണ്ടുവന്നിട്ടുള്ളത്. ഫേസ് വാഷ് മുതൽ ചർമ്മത്തിന് നിറം ഊട്ടുന്ന വിവിധ ലേപനവസ്തുക്കളും, ആഫ്രിക്കയിൽ തന്നെ ഉത്‌പാദിപ്പിക്കുന്ന നാടൻ പെർഫ്യൂമുകളും സുഗന്ധ എണ്ണകളും എല്ലാം വാങ്ങാൻ ആഫ്രിക്കൻ പവലിയൻ ചോദിച്ചെത്തുന്നവരും കുറവല്ല. വിസ്വാസം നേടാൻ കൈകളിൽ തങ്ങളുടെ ഉത്പന്നങ്ങൾ ഉപയോഗിക്കുമ്പോൾ അപ്പോൾ തന്നെ പ്രകടമാവുന്ന മാറ്റങ്ങളും അവർ കാണിച്ചുതരും. ഷിയാ ബട്ടറം തേനും കാപ്പിപ്പൊടിയും മറ്റും ഉപയോഗിച്ചാണ് ഇവ നിർമ്മിക്കുന്നത്. സെനഗളിൽ നിന്നും സുഡാനിൽ നിന്നുമാണ് ഇത്തരം ചർമ്മസംരക്ഷണവസ്തുക്കൾ ഏറെ എത്തുന്നത്. പ്രകൃതി വിഭവങ്ങളില്‍ നിന്നു മാത്രമാണ് തങ്ങൾ സൗന്ദര്യവര്‍ധക ലേപനങ്ങളും സോപ്പുകളും രാസവസ്തുക്കൾ ഒന്നും ചേർക്കാതെ വീടുകളിൽ നിര്‍മ്മിക്കുന്നതെന്നും ഇവർ പറയുന്നു. വിവിധ തരം കുന്തിരിക്കവും ഊദും എല്ലാം ഇവിടെ ലഭ്യമാണ് . അതിന്റെ ഔഷധഗുണങ്ങളും ബോധ്യപ്പെടുത്തിയാണ് വ്യാപാരം നടക്കുന്നത്. സുഡാനിൽ നിന്നുള്ള മായം ചേർക്കാത്ത ഊദാണ് അവയെല്ലാം എന്ന് ഇവർ തന്നെ സാക്ഷ്യപ്പെടുത്തുന്നു.
ഗ്ലോബൽ വില്ലേജിൽ 13 ആഫ്രിക്കൻ രാജ്യങ്ങളാണ് പരമ്പരാഗത വിഭവങ്ങളുമായി എത്തിയത്. ഘാന, ഇത്യോപ്യ,സെനഗൽ, സുഡാൻ, ടാൻസനിയ, തുടങ്ങിയ ആഫ്രിക്കൻ രാജ്യങ്ങലും തനത് ഉത്പന്നങ്ങളുമായി എത്തിയിട്ടുണ്ട്.
ഒരുവട്ടമെങ്കിലും ഈ ഗ്ലോബൽ വില്ലേജിലെ ഈ ആഫ്രിക്കൻ പവലിയനിൽ എത്തിയാൽ ഏതൊരു സന്ദര്ശകനും വീണ്ടും ഇവിടെ എത്തുമെന്നുറപ്പാണ്.ഗ്ലോബൽ വിളേജിൽ എത്തന്നവർ തീർച്ചയായതും സന്ദർശിക്കുന്ന പവലിയൻ കൂടിയാണ് ആണ് ആഫിക്കൻ പവലിയൻ. പാട്ടും ഡാൻസും എല്ലാം ചേർന്ന് എല്ലാം ഇവിടെ സാദാ സജ്ജീവമാണ്.