മുൻ ഇറ്റാലിയൻ പ്രധാനമന്ത്രി സിൽവിയോ ബെർലുസ്കോണി മിലാനിലെ സാൻ റഫേൽ ആശുപത്രിയിൽ അന്തരിച്ചു. 86 വയസ്സായിരുന്നു. രക്താർബുദത്തെ തുടർന്നായിരുന്നു അന്ത്യം. ശ്വാസതടസ്സം അനുഭവപ്പെട്ടതിനെ തുടര്ന്ന് ഏപ്രില് അഞ്ചിന് ഇതേ ക്ളിനിക്കില് പ്രവേശിപ്പിച്ചിരുന്നു. ശ്വാസകോശത്തിലെ അണുബാധയുടെ വിജയകരമായ ചികിത്സയ്ക്ക് ശേഷം ആറാഴ്ചയ്ക്ക് ശേഷം ആശുപത്രിവിട്ടിരുന്നു.
രാഷ്ട്രീയ പോരാളിയും മാധ്യമ സംരംഭകനുമായ സില്വിയോ ബെര്ലുസ്കോണി ലൈംഗിക ആരോപണങ്ങളിൽ നിന്നും അഴിമതി ആരോപണങ്ങളിൽ നിന്നും മോചിതനായിരുന്നു. ഏതാനും മാസങ്ങളായി രക്താർബുദവുമായി ബന്ധപ്പെട്ട ശ്വാസകോശ അണുബാധയ്ക്ക് ചികിത്സയിലായിരുന്നു.
1994 നും 2011 നും ഇടയില് അദ്ദേഹം നാലു തവണ പ്രധാനമന്ത്രിയായിരുന്നു. കഴിഞ്ഞ സെപ്റ്റംബറില് നടന്ന പൊതു തിരഞ്ഞെടുപ്പില് സെനറ്റിലേക്ക് തിരഞ്ഞെടുക്കപ്പെട്ടു. അദ്ദേഹത്തിന്റെ ഫോര്സ ഇറ്റാലിയ പാര്ട്ടി നിലവില് തീവ്ര വലതുപക്ഷ പ്രധാനമന്ത്രി ജോര്ജിയ മെലോണിയുടെ സര്ക്കാരുമായി സഖ്യത്തിലാണ്.മുന് പ്രധാനമന്ത്രിയായ ബെര്ലൂസ്കോണി ഇറ്റലിയിലെ പൊതുജീവിതത്തില് പതിറ്റാണ്ടുകളായി വിവിധ വേഷങ്ങളില് തിളങ്ങിയിരുന്നു. ഒരു തികഞ്ഞ രാഷ്ട്രീയക്കാരന് എന്ന നിലയില് മാത്രമല്ല, ഒരു മാധ്യമ മുതലാളി, ഫുട്ബോള് ക്ലബ് എസി മിലാന്റെ ദീര്ഘകാല ഉടമ എന്നീ നിലകളിലും പ്രശസ്തനായിരുന്നു.