യു എ ഇയിൽ കോർപറേറ്റ്​ നികുതി നിലവിൽ വന്നു

യു.​എ.​ഇ​യി​ൽ പു​തു​താ​യി പ്ര​ഖ്യാ​പി​ച്ച ഒ​മ്പ​ത്​ ശ​ത​മാ​നം കോ​ർ​പ​റേ​റ്റ്​ നി​കു​തി ഇന്ന് മു​ത​ൽ പ്രാ​ബ​ല്യ​ത്തി​ൽ വന്നു. 3,75,000 ദിർഹവും അതിനുമുകളിലും ലാഭമുള്ള കമ്പനികളാണ്​ ഒമ്പത് ശതമാനം കോർപ്പറേറ്റ് നികുതി അടക്കേണ്ടത്​. 3.75 ലക്ഷം ദിർഹമിന്​ മുകളിൽ വരുന്ന അറ്റാദായത്തിന്‍റെ ഒമ്പത്​ ശതമാനമാണ്​ നികുതി അടക്കേണ്ടത്​. മലയാളികളുടെ അടക്കം നിരവധി സ്ഥാപനങ്ങൾക്ക്​ ബാധകമായിരിക്കുന്ന നികുതിയാണിത്​.

തൊഴിൽ, നിക്ഷേപം, റിയൽ എസ്റ്റേറ്റ് എന്നിവയിൽ നിന്നുള്ള വരുമാനം കോർപ്പറേറ്റ് നികുതിക്ക് വിധേയമല്ല.
ഫ്രീ​സോ​ൺ സ്ഥാ​പ​ന​ങ്ങ​ൾ​ക്ക്​ ബാ​ധ​ക​മ​ല്ല. ഫ്രീ​സോ​ൺ ക​മ്പ​നി​ക​ൾ​ക്ക്​ നി​കു​തി ബാ​ധ​ക​മ​ല്ലെ​ങ്കി​ലും ര​ജി​സ്റ്റ​ർ ചെ​യ്യ​ണം. ഫ്രീ​സോ​ൺ സ്ഥാ​പ​ന​ങ്ങ​ൾ​ക്കാ​യി ഏ​ർ​പ്പെ​ടു​ത്തി​യി​രി​ക്കു​ന്ന നി​ബ​ന്ധ​ന​ക​ൾ ഈ ​സ്ഥാ​പ​നം പൂ​ർ​ണ​മാ​യും പാ​ലി​ക്കു​ന്നു​ണ്ടോ എ​ന്ന്​ ഉ​റ​പ്പാ​ക്കും. ഇ​ത്​ പ​രി​ശോ​ധി​ച്ച ശേ​ഷ​മാ​യി​രി​ക്കും ഫ്രീ ​സോ​ണു​ക​ൾ​ക്ക്​ ഇ​ള​വ്​ ന​ൽ​കു​ക. ചെ​റു​കി​ട ബി​സി​ന​സു​ക​ളെ​യും സ്റ്റാ​ർ​ട്ട​പ്പു​ക​ളെ​യും സ​ഹാ​യി​ക്കു​ന്ന​തി​ന്​ 3.75 ല​ക്ഷം ദി​ർ​ഹ​മി​ൽ കു​റ​വ്​ ലാ​ഭ​മു​ള്ള ക​മ്പ​നി​ക​ളെ നി​കു​തി പ​രി​ധി​യി​ൽ നി​ന്ന്​ ഒ​ഴി​വാ​ക്കി​യിട്ടുണ്ട്. സ​ർ​ക്കാ​ർ, അ​ർ​ധ സ​ർ​ക്കാ​ർ അ​ല്ലെ​ങ്കി​ൽ സ്വ​കാ​ര്യ മേ​ഖ​ല​ക​ളി​ലെ ജോ​ലി​യി​ൽ​നി​ന്ന് ല​ഭി​ക്കു​ന്ന ശ​മ്പ​ള​ത്തി​നോ തൊ​ഴി​ലി​ൽ​നി​ന്നു​ള്ള മ​റ്റു വ്യ​ക്തി​ഗ​ത വ​രു​മാ​ന​ത്തി​നോ കോ​ർ​പ​റേ​റ്റ് നി​കു​തി ബാ​ധ​ക​മ​ല്ല. ബാങ്ക് നിക്ഷേപങ്ങളിൽ നിന്നോ സേവിംഗ്സ് പ്രോഗ്രാമുകളിൽ നിന്നോ ലഭിക്കുന്ന പലിശയും മറ്റ് വ്യക്തിഗത വരുമാനങ്ങളും നികുതി പരിധിയിൽ വരില്ല.

സ്ഥാപന ഉടമ എന്ന നിലയിൽ ഇത്​ വ്യക്​തികൾക്കും ബാധകമാകും. ബിസിനസ്സ് അല്ലെങ്കിൽ ബിസിനസ് സംബന്ധമായ പ്രവർത്തന വരുമാനത്തിന് മാത്രമാണ്​ നികുതി ചുമത്തുന്നത്​. നികുതി കാലയളവിലെയും മുൻ നികുതി കാലയളവിലെയും വരുമാനം 30 ലക്ഷം ദിർഹമിൽ താഴെയാണെങ്കിൽ ചെറുകിട ബിസിനസ്സ് റിലീഫിന് അർഹതയുണ്ട്. 2023 ജൂൺ ഒന്ന്​ മുതൽ 2026 ഡിസംബർ 31 വരെ ഓരോ വർഷവും​ ഇവർക്ക്​ നികുതി ഇളവ് ലഭിക്കും​. എന്നാൽ, ഇവരും രജിസ്റ്റർ ചെയ്യണം. വരുമാനം 30 ലക്ഷത്തിൽ കൂടുകയും ലാഭം 3.75 ലക്ഷം ദിർഹമിൽ കൂടുകയും ചെയ്താൽ നികുതി അടക്കണം. ബിസിനസ് നടത്തുന്ന വ്യക്തികൾ ഒരു കലണ്ടർ വർഷത്തിൽ അവരുടെ വിറ്റുവരവ് 10 ലക്ഷം ദിർഹം കവിഞ്ഞാൽ മാത്രമേ കോർപ്പറേറ്റ് നികുതിയും രജിസ്ട്രേഷനും വിധേയമാകൂ. അ​ഞ്ചു ല​ക്ഷം ദി​ർ​ഹം ലാ​ഭ​മു​ള്ള സ്ഥാ​പ​ന​മാ​ണെ​ങ്കി​ൽ 1.25 ല​ക്ഷം ദി​ർ​ഹ​മി​ന്‍റെ ഒ​മ്പ​ത്​ ശ​ത​മാ​ന​മാ​ണ്​ നി​കു​തി അ​ട​ക്കേ​ണ്ട​ത്. നികുതി വിധേയരായ എല്ലാ വ്യക്തികളും കോർപ്പറേറ്റ് ടാക്‌സിനായി രജിസ്റ്റർ ചെയ്യണം. നിശ്​ചിത കാലയളവ് അവസാനിച്ച് ഒമ്പത്​ മാസത്തിനുള്ളിൽ ഓരോ നികുതി കാലയളവിനും വ്യക്തികൾ നികുതി റിട്ടേൺ സമർപ്പിക്കണം. ‘ഇമാറാടാക്സ്​’ പ്ലാറ്റ്ഫോം ഉപയോഗിച്ചാണ്​ രജിസ്റ്റർ ചെയ്യേണ്ടത്​.

അ​തേ​സ​മ​യം, കോ​ർ​പ​റേ​റ്റ്​ നി​കു​തി വ്യ​വ​സ്ഥ​യി​ൽ പു​തി​യ ഇ​ള​വു​ക​ൾ ക​ഴി​ഞ്ഞ ദി​വ​സം പ്ര​ഖ്യാ​പി​ച്ചി​രു​ന്നു. പാ​പ്പ​ർ ന​ട​പ​ടി ആ​രം​ഭി​ച്ച​തോ പ്ര​വ​ർ​ത്ത​നം നി​ർ​ത്താ​ൻ ഒ​രു​ങ്ങു​ന്ന​തോ ആ​യ ക​മ്പ​നി​ക​ൾ​ക്കാ​ണ്​ നി​കു​തി ഇ​ള​വ്​ പ്ര​ഖ്യാ​പി​ച്ചി​രി​ക്കു​ന്ന​ത്. പാ​പ്പ​ർ അ​ല്ലെ​ങ്കി​ൽ അ​വ​സാ​നി​പ്പി​ക്ക​ൽ ന​ട​പ​ടി ആ​രം​ഭി​ച്ച്​ 20 ദി​വ​സ​ത്തി​ന​കം ഫെ​ഡ​റ​ൽ ടാ​ക്സ്​ അ​തോ​റി​റ്റി​ക്ക് (എ​ഫ്.​ടി.​എ)​ വി​വ​രം കൈ​മാ​റ​ണം. നി​കു​തി വ്യ​വ​സ്ഥ​ക​ൾ പാ​ലി​ക്കു​ന്ന​തി​ൽ പ​രാ​ജ​യ​പ്പെ​ട്ടാ​ൽ 20 ദി​വ​സ​ത്തി​ന​കം എ​ഫ്.​ടി.​എ​ക്ക്​ അ​പേ​ക്ഷ സ​മ​ർ​പ്പി​ക്ക​ണം. ഈ ​അ​പേ​ക്ഷ​യി​ൽ നി​കു​തി ഇ​ള​വ്​ വ്യ​വ​സ്ഥ പാ​ലി​ക്കു​ന്ന​തി​ൽ പ​രാ​ജ​യ​പ്പെ​ടാ​നു​ള്ള സാ​ഹ​ച​ര്യം എ​ന്താ​ണെ​ന്ന്​ വ്യ​ക്​​ത​മാ​ക്ക​ണം. ഇ​തു പ​രി​ശോ​ധി​ച്ചാ​ണ്​ ഇ​ള​വ്​ ന​ൽ​കു​ന്ന​ത്.

ക​ഴി​ഞ്ഞ വ​ർ​ഷ​മാ​ണ്​ യു.​എ.​ഇ ധ​ന​മ​ന്ത്രാ​ല​യം കോ​ർ​പ​റേ​റ്റ്​ നി​കു​തി പ്ര​ഖ്യാ​പി​ച്ച​ത്. .ആ​ഗോ​ള സാ​മ്പ​ത്തി​ക രം​ഗ​ത്ത് മ​ത്സ​ര​ക്ഷ​മ​ത വ​ർ​ധി​പ്പി​ക്കാ​ന്‍ ല​ക്ഷ്യ​മി​ട്ടാ​ണ്​ പു​തി​യ നി​കു​തി രൂ​പ​പ്പെ​ടു​ത്തി​യ​ത്. ലോകത്തിലെ ഏറ്റവും കുറഞ്ഞ കോർപറേറ്റ്​ നികുതി നിരക്കുകളിൽ ഒന്നാണ്​ യു.എ.ഇയുടേത്​. ചില രാജ്യങ്ങൾ 30 ശതമാനം വരെ കോർപ്പറേറ്റ് നികുതി ചുമത്തിയിട്ടുണ്ട്.